Mazi Ladki Bahin Yojana: 1500 रुपयांसाठी तुमच्या अर्जासमोर नेमकं काय असायला हवं?

स्टेट्सचे प्रकार

1. प्रलंबित स्थिती (Pending Status)- जर तुमची अर्जाची स्थिती अजूनही प्रलंबित म्हणून दर्शवत असेल, तर याचा अर्थ तुमच्या अर्जाची छाननी प्रक्रिया अद्याप प्रलंबित आहे.

2. रिजेक्ट स्टेटस (Reject Status) - जर तुमच्या अर्जाची स्थिती Reject दिसत असेल, तर याचा अर्थ तुमचा अर्ज सरकारने रद्द केला आहे.

3. पुनरावलोकन स्थिती (Review Status) - जर तुमच्या अर्जाची स्थिती Review म्हणून असेल, तर याचा अर्थ असा आहे की, सरकार तुमच्या अर्जाचे पुनरावलोकन करत आहे.

4. मंजुरीची स्थिती (Approval Status) - जर तुम्ही तुमचा अर्ज तपासला गेला आणि त्याची स्थिती Approval असेल, तर याचा अर्थ तुमच्या अर्जाची पडताळणी प्रक्रिया पूर्ण झाली असून तो अर्ज स्वीकारला गेला आहे. 

हे चार अर्जाचे स्टेट्सचे प्रकार आहेत. ज्यापैकी मंजुरीची स्थिती म्हणजेच Approval Status असलेल्या अर्जदार महिलांनाच शिंदे सरकारकडून 1500 रुपये मिळणार आहे.

हे ही वाचा>> Mazi Ladki Bahin Yojana List 2024 PDF: माझी लाडकी बहीण योजनेची यादी जाहीर, कशी करणार PDF डाऊनलोड?

ज्या महिलांच्या अर्जासमोर प्रलंबित स्थिती किंवा पुनरावलोकन स्थिती असा शेरा असेल त्या महिलांना 1500 रुपये खात्यात येण्यासाठी नक्कीच काही काळ वाट पाहावी लागेल. 

लाडकी बहीण योजनेचा अर्ज प्रलंबित का दिसतो?

लाडकी बहीण योजनेचा अर्ज तुम्ही पूर्णपणे योग्य पद्धतीने भरला असेल आणि तरीही तो प्रलंबित असेल तर काहीही काळजी करण्याची गरज नाही. कारण सध्या तुमचा अर्ज हा शासकीय प्रक्रियेत असून त्यावर शासनाची कार्यवाही सुरू आहे. अर्ज तपासण्याची प्रक्रिया सुरू असल्याने अर्ज प्रलंबित असल्याचे दाखवले जात आहे. त्यामुळे धीर धरा अजिबात घाई करू नका.

...तर या महिलांना 15000 रुपये मिळणार नाही

राज्यातील कोट्यवधी महिलांना माझी लाडकी बहीण या योजनेसाठी अर्ज दाखल केले आहेत. पण या सर्व अर्जांची आता छाननी होत आहे. अशावेळी ज्या अर्जासमोर Reject Status दिसेल ते अर्ज नाकारण्यात आले आहेत असा त्याचा अर्थ होईल. म्हणजेच त्या महिलांना शिंदे सरकारकडून देण्यात येणारे 1500 रुपये मिळू शकणार नाही.