दिल्लीत पोहचताच फडणवीस म्हणाले, 'आमच्या दोन्ही साथीदारांना...'; जागावाटपावर मोठं विधान

ज्यानंतर याबाबत बरीच चर्चा ही राज्यभरात सुरू झाली. या सगळ्याचे अनेक राजकीय अर्थही काढले जात आहे. कारण ज्या शिवसेनेसाठी भाजपने 2019 मध्ये 23 जागा सोडल्या होत्या त्याच शिवसेनेला केवळ 10 जागा देण्याचा पर्याय देण्यात आला आहे. 

यावरून शिवसेना आणि राष्ट्रवादी काँग्रेसमध्ये बरीच नाराजी असल्याची चर्चा आहे. मात्र, याच दरम्यान भाजपचे उपमुख्यमंत्री देवेंद्र फडणवीस यांनी एक मोठं विधान केलं आहे. 

हे ही वाचा> 48 मतदारसंघामध्ये कोण जिंकू शकतं? बघा संपूर्ण यादी

भाजपच्या केंद्रीय नेतृत्वाने देवेंद्र फडणवीस यांच्यासह राज्यातील भाजपच्या कोअर कमिटीला जागांबाबत चर्चा करण्यासाठी राजधानी दिल्लीमध्ये बोलावलं. दरम्यान, दिल्लीत पोहचताच देवेंद्र फडणवीस यांनी महायुतीमधील एक मोठं विधान केलं आहे.  

दिल्लीत पोहचताच देवेंद्र फडणवीस नेमकं काय म्हणाले?

'लोकसभेच्या निवडणुका आहेत त्या निवडणुकीच्या दृष्टीने एकूण रणनिती काय असेल त्याचं टाइमटेबल काय असेल आम्ही सगळ्यांनी काय करायचं आहे.. अशा सगळ्या गोष्टींसंदर्भात प्रत्येक राज्याच्या कोअर कमिटीशी केंद्रीय नेतृत्व चर्चा करत आहे. त्याचप्रमाणे आता महाराष्ट्राला देखील इथे बोलावलं आहे. आमच्याशी आता त्यांची चर्चा होईल.'

'आपण पहिल्या यादीत पाहिलं असेल की, जिथे युती आहे त्या ठिकाणची नावं पहिल्या यादीत आली नाही. कारण युतीत जे पक्ष सोबत असतात त्यांच्यासोबत चर्चा करावी लागते. पहिल्या यादीत जिथे फक्त भाजप लढतो अशाच राज्यातील उमेदवारांची घोषणा करण्यात आली आहे. आता युतीत असलेली राज्यं येतील.. तुम्ही काळजी करू नका.. तुम्हाला योग्य वेळी सगळी माहिती मिळेल.'

हे ही वाचा> Maharashtra 48 MP: तुमचा खासदार सध्या नेमका कोणासोबत?

'योग्य वेळी सगळ्या प्रकारचे आमचे जे काही निर्णय होतील ते तुमच्यापर्यंत आम्ही पोहचवू.'