Vinod Tawade: 'तावडेंना पकडून देण्यासाठी भाजपमध्येच कारस्थान', राऊतांचा खळबळजनक दावा

'तावडे बहुजन समाजाचा चेहरा म्हणून अशा पद्धतीने पकडून देण्यासाठी भाजपमध्ये कारस्थान'

दरम्यान, या संपूर्ण राड्यानंतर संजय राऊत यांनी तात्काळ मीडियाशी संवाद साधला. ज्यामध्ये त्यांनी भाजप नेतृत्वावर देखील गंभीर आरोप केले आहेत. पाहा संजय राऊत नेमकं काय म्हणाले.

हे ही वाचा>> Vinod Tawde Vs Hitendra Thakur : हितेंद्र ठाकूरांकडून आधी राडा, नंतर एकाच गाडीतून तावडेंना नेलं जेवायला!

'विनोद तावडे यांच्याकडे 15 कोटी पेक्षा जास्त रक्कम होती असं मी ऐकलंय. त्यातले 5 कोटी रुपये हे स्थानिक आमदार क्षितीज ठाकूर यांच्या ताब्यात आहेत. त्याबद्दल त्या कार्यकर्त्यांचं अभिनंदन केलं पाहिजे. त्यांनी महाराष्ट्राला ही निवडणूक कोणत्या पद्धतीने लढवली जातेय सत्ताधारी पक्षाकडून हे स्पष्ट केलंय. या सगळ्यावर आज 5 वाजता उद्धव ठाकरे हे मातोश्रीवर आपल्याशी बोलणार आहेत.' 

'हितेंद्र ठाकूर यांच्याशी मी त्याच्याशी सहमत आहे. विनोद तावडे यांच्यासंदर्भात जी माहिती आहे ही भाजपच्या महाराष्ट्रातील प्रमुख नेत्यानेच ठाकूरांना दिली. विनोद तावडे भविष्यात आपल्याला जड होतील हा बहुजन समाजाचा चेहरा आहे, राष्ट्रीय महासचिव आहे हा महाराष्ट्रातला माणूस.. त्यांच्या हातात काही सूत्रं आहेत या राज्याची.'

हे ही वाचा>> Vinod Tawde Video: विनोद तावडेंवर निवडणूक आयोगाची मोठी कारवाई! राजन नाईक यांच्यावरही गुन्हा दाखल

'मोदी आणि शाह यांच्या जवळचा माणूस आहे. त्यामुळे त्यांना अशा पद्धतीने पकडून द्यावं यासाठी भाजपमध्ये कारस्थान झालं. ज्यांच्याकडे गृहखातं आहे त्यांच्याकडे या संदर्भात जास्त माहिती असते.' 

'निवडणूक आयोग निष्पक्ष असता तर जी कारवाई कार्यकर्त्यांनी केली ती निवडणूक आयोगाने केली असती ना..' असं म्हणत संजय राऊत यांनी भाजप नेतृत्वावर गंभीर आरोप केला आहे.