Amit Shah : विदर्भातले सगळे दौरे रद्द, अमित शाह तातडीने दिल्लीला रवाना, नेमकं कारण काय?

हे ही वाचा >> Pankaja Munde : "भाजपने बाहेरुन निवडणुकीसाठी 90 हजार लोक आणलेत, इथला ऑक्सिजन कमी झाला"

राज्यातील विधानसभेच्या 288 जागांसाठी 20 नोव्हेंबरला मतदान होणार आहे. तर 23 नोव्हेंबरला निकाल लागणार आहे. उद्या 18 नोव्हेंबर हा प्रचारासाठी शेवटचा दिवस असणार आहे. कमी वेळेत जास्तीत जास्त लोकांपर्यंत पोहोचण्याचा प्रयत्न सगळे पक्ष करत आहेत. केंद्रीय गृहमंत्री अमित शाह सुद्धा प्रचाराच्या मैदानात आहेत. मात्र आज ते आपल्या सर्व सभा रद्द करुन दिल्लीला रवाना झाले आहेत. त्यामुळे राजकीय वर्तुळात मोठी चर्चा सुरू झाली आहे.

दरम्यान, आतापर्यंत मिळालेल्या माहितीनुसार, अमित शाह यांच्याऐवजी माजी केंद्रीय मंत्री स्मृती इराणी या गडचिरोली आणि वर्धा येथे सभा घेणार आहेत. उर्वरित दोन ठिकाणी अमित शहांच्या अनुपस्थितीत शिवराजसिंह चौहान सभा घेणारे आहेत.

राज्याच्या विधानसभा निवडणुकीसाठी सुरु असलेल्या प्रचाराच्या तोफा उद्या पाच वाजता थंडावणार आहेत. तोपर्यंत होणाऱ्या सर्व राजकीय घडामोडी या निवडणुकीच्यादृष्टीनं महत्वाच्या असणार आहेत.