होम
राजकीय आखाडा
गुन्ह्यांची दुनिया
शहर-खबरबात
नॉलेज
बातम्या
स्पोर्ट्स
मनोरंजन
टॉपिक
2024 Maharashtra Assembly Election Full Schedule Voting Dates, Constituency Wise Details and Results: नवी दिल्ली: महाराष्ट्र विधानसभा निवडणुकीचा बिगुल अखेर आज (15 ऑक्टोबर) वाजला. केंद्रीय निवडणूक आयोग राजधानी दिल्लीत पत्रकार परिषद घेऊन महाराष्ट्रातील 288 विधानसभा मतदारसंघांसाठीचा कार्यक्रम जाहीर केला. जाणून महाराष्ट्रात नेमकं कधी मतदान पार पडणार आणि निकाल केव्हा लागणार. महाराष्ट्रात विधानसभेच्या 288 जागा असून युती किंवा आघाडीला सरकार स्थापन करण्यासाठी 145 जागांची आवश्यकता असेल. याशिवाय या विधानसभेसोबत लोकसभेच्या 2 जागांवर पोटनिवडणूकही होणार आहे. केरळच्या वायनाड या लोकसभा मतदारसंघात 13 नोव्हेंबरला मतदान होणार आहे, तर महाराष्ट्रातील नांदेड लोकसभा मतदारसंघात 20 नोव्हेंबरला मतदान घेण्यात येईल. या दोन्ही पोटनिवडणुकांचे निकाल हे विधानसभेच्या निकालासोबतच म्हणजेच 23 नोव्हेंबर 2024 रोजी जाहीर केले जातील. (maharashtra assembly election 2024 full schedule voting dates results dates constituency key details all you need to know )
ADVERTISEMENT
Maharashtra Assembly Election 2024 Schedule: निवडणुकीचं वेळापत्रक
महाराष्ट्रात एकाच टप्प्यात मतदान होणार आहे. पाहा कोणत्या तारखेला हे मतदान पार पडेल
-20 नोव्हेंबर रोजी एकाच टप्प्यात संपूर्ण महाराष्ट्रात मतदान पार पडणार आहे.
हे ही वाचा>> Maharashtra Election 2024: मुख्यमंत्री शिंदेंची मोठी घोषणा! मुंबईत 'या' वाहनांसाठी आज रात्रीपासून टोलमाफीचा निर्णय
Maharashtra Assembly Election 2024 Voting Dates: पाहा काय आहेत मतदानाचा कार्यक्रम आणि तारखा
- एका टप्प्यात होणार महाराष्ट्राची विधानसभा निवडणूक
- अधिसूचना जारी होण्याची तारीख- २२ ऑक्टोबर २०२४
- अर्ज मागे घेण्याची शेवटची तारीख- २९ ऑक्टोबर २०२४
- अर्ज छाननीचा दिवस- ३० ऑक्टोबर २०२४
- उमेदवारी अर्ज मागे घेण्याचा अखेरचा दिवस- ०४ नोव्हेंबर २०२४
- मतदानाचा दिवस- २० नोव्हेंबर २०२४
'या' जिल्ह्यांमध्ये कोणत्या दिवशी असणार मतदान?
रामटेक, नागपूर, भंडारा-गोंदीया, गडचिरोली-चिमूर, चंद्रपूर
बुलडाणा, अकोला, अमरावती, वर्धा, यवतमाळ - वाशिम, हिंगोली, नांदेड, परभणी
रायगड, बारामती, उस्मानाबाद, लातूर, सोलापूर, माढा, सांगली, सातारा, रत्नागिरी- सिंधुदुर्ग, कोल्हापूर, हातकणंगले
नंदूरबार, जळगाव, रावेर, जालना, औरंगाबाद, मावळ, पुणे, शिरुर, अहमदनगर, शिर्डी, बीड
धुळे, दिंडोरी, नाशिक, पालघर, भिवंडी, कल्याण, ठाणे, मुंबई
या सगळ्या जिल्ह्यांमध्ये 20 नोव्हेंबर रोजी महाराष्ट्राच्या विधानसभेसाठी मतदान पार पडेल.
हे ही वाचा>> Maharashtra Election 2024: Assembly Election 2024: महाराष्ट्रात निवडणुकीचं बिगुल वाजणार! थोड्याच वेळात तारखा होणार जाहीर
Maharashtra Assembly Election 2024 Results Date: निकालाचा दिवस
यानंतर अवघ्या देशाचं लक्ष हे मतमोजणीच्या म्हणजेच निकालाच्या तारखेकडे असणार आहे. महाराष्ट्रातील निवडणुकीचा निकाल हा 23 नोव्हेंबर 2024 रोजी (शनिवार) जाहीर होईल. याच दिवशी हे चित्र स्पष्ट होईल की, राज्यात नेमकी कोणाची सत्ता येणार. सध्या महाराष्ट्रात शिंदे-फडणवीस आणि अजित पवार यांचं सरकार अस्तित्वात आहे. अशावेळी महाराष्ट्रातील जनता यंदा कोणाच्या हातात सत्ता देणार हे पाहणं महत्त्वाचं ठरणार आहे.
विधानसभेचा कालावधी हा 26 नोव्हेंबर 2024 रोजी संपुष्टात येणार आहे. त्यापूर्वी नवीन विधानसभा निवडीची प्रक्रिया पार पाडणे आवश्यक असल्याचे मुख्य आयुक्तांनी पत्रकार परिषदेमध्ये सांगितलं.
विधानसभा निवडणूक 2024 चा निकाल हा 23 नोव्हेंबर 2024 (शनिवार) रोजी जाहीर केला जाईल. या दिवशी सकाळी 8 वाजेपासून मतमोजणीला सुरुवात होईल.
ADVERTISEMENT
