Assembly Election Results : पवार Vs पवार आणि ठाकरे Vs शिंदे, किती ठिकाणी लढले, किती आमदार पाडले? वाचा सविस्तर

विधानसभा निवडणुकीत शिंदेंची शिवसेना विरुद्ध ठाकरेंची शिवसेना अशी थेट लढत 53 मतदारसंघात झाली. यात शिंदेंच्या शिवसेनेला 38 जागांवर यश मिळालं, तर ठाकरेंच्या शिवसेनेला फक्त 15 जागा जिंकता आल्या. यात शिंदेंच्या शिवसेनेला 48 टक्क्यांहून अधिक मतं मिळालीत, तर ठाकरेंच्या शिवसेनेला 35 टक्के मतं मिळाली आहेत. या निकालात एकनाथ शिंदे उद्धव ठाकरेंवर भारी पडलेत असं सध्या बोललं जातंय. 

हे ही वाचा >> Tutari vs Trumpet: 'तुतारी' वाजलीच नाही! 'पिपाणी'ने केला शरद पवारांच्या 'एवढ्या' उमेदवारांचा घात?

288 मतदासंघापैकी 38 मतदारसंघात शरद पवारांच्या राष्ट्रवादीचे आणि अजित पवारांचे उमेदवार आमनेसामने होते, यात अजित पवारांचे उमेदवार 29 उमेदवार जिंकले. तर शरद पवारांना फक्त 7 जागांवर विजय मिळवता आला. यात शरद पवारांच्या राष्ट्रवादीला 47 टक्के मतं मिळाली. तर अजित पवारांच्या राष्ट्रवादीला 47.5 टक्के मतं मिळाली. निकालातून शरद पवारांपेक्षा अजित पवार वरचढ आहेत असं दिसतंय.

तसेच काँग्रेस विरुद्ध भाजप या राष्ट्रीय पक्षांमध्ये 75 मतदारसंघांमध्ये लढत झाली. यामध्ये भाजपला 64 जागा जिंकता आल्या. तर काँग्रेसला फक्त 11 जागी विजय मिळवता आला. यात भाजपला 50 टक्के मतं मिळाली. तर काँग्रेसला 37 टक्क्यांपर्यंत मतं मिळाली. काँग्रेस आणि भाजपची लढत झाल्यास मतदारांची भाजपलाच पसंती असल्याचं दिसून येतंय.