गरजेच्या औषधांचा साठा करुन ठेवा ! केंद्र सरकारचे केमिस्ट असोसिएशनला आदेश

पहिल्या आणि दुसऱ्या लाटेदरम्यान रेमडिसीव्हीर इंजेक्शनच्या कमतरतेमुळे अनेक राज्यांमध्ये मेडीकलबाहेर लोकांच्या रांगा लागलेल्या होत्या. ज्यातून अनेक ठिकाणी इंजेक्शन काळ्या बाजारात विकलं गेलं.

The National Pharmaceutical Pricing Authority आणि Drug Controller General of India च्या अधिकाऱ्यांनी काही दिवसांपूर्वी ऑल इंडिया केमिस्ट असोसिएशन अँड ड्रगिस्ट संघटनेच्या पदाधिकाऱ्यांसोबत बैठक घेतली. या बैठकीत देशभरातील सर्व केमिस्टने कोरोनाचे वाढते रुग्ण पाहता आवश्यक औषधांचा पुरेसा साठा तयार ठेवण्याचे आदेश देण्यात आले आहेत. ओमिक्रॉन आणि डेल्टा व्हेरिएंटचे रुग्ण वाढत चालल्यामुळे औषधांचा तुडवडा होणार नाही याची काळजी घेण्यासाठी केंद्र सरकारच्या यंत्रणांनी हे पाऊल उचलल्याचं कळतंय.

Corona : इटलीहून भारतात आलेल्या विमानात कोरोना विस्फोट!…. 170 पैकी 125 प्रवासी पॉझिटिव्ह

केंद्र सरकारने या बैठकीत केमिस्ट असोसिएशनच्या पदाधिकाऱ्यांना सर्व प्रकारचे कफ सिरप, पॅरासिटीमॉल टॅबलेट, सी व्हिटॅमिनच्या गोळ्या, झिंक टॅबलेट, अझिथ्रोमायसिन आणि आयवरमेक्टीन या औषधांचा तुटवडा जाणवणार नाही याची काळजी घ्यायला सांगितलं आहे. वाढती रुग्णसंख्या पाहता सर्व केमिस्ट दुकानांनी या औषधांचा साठा करुन ठेवावा असे आदेश या बैठकीत देण्यात आले आहेत. या बैठकीनंतर केमिस्ट असोसिएशननेही आपल्या सर्व सदस्यांना औषधाचा पुरेसा साठा करुन ठेवण्याचे आदेश दिले आहेत.

कोव्हिड संसर्ग झाला आहे पण लक्षणं दिसत नाहीत? सरकारने दिल्या ‘या’ मार्गदर्शक सूचना

देशभरात ओमिक्रॉन रुग्णांची संख्या वाढत असली तरीही या रुग्णांना हॉस्पिटलमध्ये दाखल व्हावं लागण्याचं प्रमाण कमी आहे. ओमिक्रॉनची बाधा झालेले रुग्ण लवकर बरेही होत असले तरीही खबरदारीचा उपाय म्हणून वैद्यकीय यंत्रणांना प्रत्येक रुग्णाकडे जातीने लक्ष देण्याचे आदेश देण्यात आले आहेत. अनेक वैद्यकीय तज्ज्ञांनी जानेवारी-फेब्रुवारी या महिन्यांमध्ये ओमिक्रॉनच्या रुग्णांची संख्या वाढून तिसरी लाट येईल असा अंदाज वर्तवला आहे.