ज्येष्ठ अभिनेत्री सुलोचनादिदींना जाहीर करावा मानाचा दादासाहेब फाळके पुरस्कार,मनसेची सरकारकडे आग्रही मागणी

मनसे चित्रपट सेनेचे अध्यक्ष अमेय खोपकर यांनी सोशल मिडीयावर एक पोस्ट लिहीत ही मागणी केली आहे. या पोस्टमध्ये अमेय खोपकर यांनी म्हटलं आहे की प्रख्यात मराठी अभिनेत्री सुलोचना लाटकर म्हणजेच आपल्या सर्वांच्या लाडक्या सुलोचनादीदी यांना केंद्र सरकारने मानाचा दादासाहेब फाळके पुरस्कार देऊन गौरव करावा अशी आग्रही मागणी महाराष्ट्र नवनिर्माण सेनेकडून करत आहोत. याविषयीचं सविस्तर पत्रही माहिती प्रसारण खात्याचे मंत्री प्रकाश जावडेकर यांना देणार आहोत. गेली अनेक वर्ष सातत्याने ही मागणी जोर धरत असताना आता यावर्षी तरी सरकारने गांभीर्यपूर्वक या मागणीचा विचार करावा ही विनंती.

सुलोचनादिदींना दादासाहेब फाळके हा मानाचा पुरस्कार मिळावा यासाठी आधी बऱ्याचजणांनी प्रयत्न केले होते. तसेच सह्यांची मोहिमही राबवली होती. नुकतेच राष्ट्रीय फिल्म पुरस्कार जाहीर झाले. यानंतर दादासाहेब फाळके पुरस्कारही जाहीर केला जातो. तो जाहीर होण्यापूर्वीच मनसेने आपली ही आग्रही मागणी केंद्र सरकारकडे केली आहे.