‘ती जाहिरात म्हणजे मूर्खपणा होता…’, अखेर देवेंद्र फडणवीस मनातलं बोललेच!

उप मुख्यमंत्री देवेंद्र फडणवीस यांनी आज डीडी नॅशनलला मुलाखत दिली आहे. या मुलाखतीत त्यांनी त्या जाहिरातीवर प्रतिक्रिया दिली आहे. प्रत्येक पक्षात कमी डोक्याचे लोक असतात. काही लोक सायकोफंड असतात, अशाच एका व्यक्तीने ही जाहिरात दिल्याचे देवेंद्र फडणवीस यांनी स्पष्ट केले आहे. तसेच या सरकारचे मुख्यमंत्री एकनाथ शिंदे आहेत,जर ते प्रसिद्ध आहेत, तर आमची सरकारही प्रसिद्ध आहे. त्यामुळे यात मला दुखी वाटण्याचे काहीच कारण नाही,असे देखील देवेंद्र फडणवीस म्हणाले आहेत.

हे ही वाचा : ‘..तर मी विकेट घेणारच ना’, पहाटेच्या शपथविधीवर शरद पवारांचे गौप्यस्फोट; फडणवीसांना टोले

जाहिरात ज्या प्रमाणे दिली गेली होती, हा एक प्रकारचा मुर्खपणाच होता. शिंदेनी स्वत: मला फोन करून सांगितले, ‘माझ्या इथल्या लोकांनी चुकी केली. मी नाही मानत, ही गोष्ट बरोबर नाही आहे. त्यामुळे माझ्यासाठी तिकडेच विषय संपला होता. पण माझ्या पक्षातल्या कार्यकर्त्यांना राग होता. आता या सगळ्या गोष्टी संपल्या आहेत, असे देखील देवेंद्र फडणवीस यांनी स्पष्ट केले आहे. तसेच जय वीरूमध्ये कोणताही मतभेद नाही. दोघांमध्ये चांगले संबंध आहेत, सरकारमध्ये मिळून काम करतो आहे, असा विश्वास देखील त्यांनी व्यक्त केला होता.

‘एखाद्या जाहिरातीने सरकार पडणार नाही’

देवेंद्र फडणवीस यांनी पालघरमध्ये शासन आपल्या दारी कार्यक्रमात बोलताना भाषणाची सुरुवातच महाराष्ट्राचे लोकप्रिय मुख्यमंत्री एकनाथ शिंदे अशी केली होती. पुढे ते जाहिरात वादावर बोलताना म्हणाले, एखाद्या जाहिरातीमुळे किंवा एखाद्याच्या वक्तव्यामुळे कुठे हे सरकार पडेल असे अनेकांना वाटले होते. हे सरकार तकलादू नाही आहे, असे स्पष्ट उत्तर फडणवीस यांनी दिले. तसेच हे जुने सरकार नाही आहे, कोणी आधी भाषण करायचं आणि कोणी नंतर भाषण करायचं. याच्याकरता एकमेकांची गच्ची पकडणारे आम्ही बघितले, अशी टीका फडणवीसांनी विरोधकांवर केली होती.तसेच आम्ही खुर्च्या तोडण्यासाठी किंवा पद मिळवण्यासाठी हे सरकार तयार केले नाही, तर सर्वसामान्यांच्या जीवनात गुणात्मक बदल घडविण्यासाठी हे सरकार अस्तित्वात आले आहे, असे देखील फडणवीस म्हणाले आहेत.