Shiv Sena Uddhav Thackeray : शिवसेना मविआच्या बाहेर पडणार? राऊत-दानवेंची वेगवेगळी मतं? काय म्हणाले ऐका!

हे ही वाचा >> Amit Shah Vinod Tawde Meeting : भाजप हायकमांड देणार धक्का? दिल्लीत अमित शाह-तावडेंच्या भेटीनं चर्चा

उद्धव ठाकरेंची शिवसेना आगामी निवडणुकांमध्ये स्वतंत्र लढण्याबद्दलच्या वेगवेगळ्या चर्चा सुरू आहेत. अशा सर्व शक्यता संजय राऊत यांनी स्पष्ट शब्दात नाकारल्या आहेत. राज्यातील निवडणुकांमध्ये महाविकास आघाडीच्या पराभवाचा विचार केल्यास, पराभवाच्या कारणांची दिशा इव्हीएम आणि पैसे वाटपाच्या दिशेने जाते आहे. त्यामुळे आम्हाला एकत्र बसून हा निर्णय घ्यावा लागेल असं संजय राऊत म्हणाले. तसंच ते म्हणाले की, राजकारणात एवढे घाईने निर्णय घ्यायचे नसतात. लोकसभेला महाविकास आघाडीला चांगला फायदा झाला, जे लोक पराभूत झालेत त्यांना वाटतं की, आपण वेगळं लढलं पाहिजे. त्यामुळे कुणी वेगळं व्हायचं म्हणत असेल तर त्या त्यांच्या वैयक्तिक भूमिका आहेत असं संजय राऊत म्हणाले आहेत. 

हे ही वाचा >>Shrikant Shinde : "पण शिंदे साहेब अपवाद ठरले...", मोदी-शाहांचा उल्लेख करत श्रीकांत शिंदेंची बापासाठी भावनिक पोस्ट

उद्धव ठाकरे यांच्या पक्षाचे नेत आणि राज्याचे विरोधी पक्षनेते अंबादास दानवे यांनी काल पत्रकार परिषदेत बोलताना कार्यकर्त्यांची स्वतंत्र लढण्याची इच्छा असल्याचं म्हटलं आहे. शिवसेनेने स्वतंत्र लढलं पाहिजे असा बऱ्याच लोकांचा सूर आहे असं अंबादास दानवे म्हणाले. शिवसेनेचा एक विचार आहे, शिवसेना फक्त सत्तेसाठी नाही, सत्ता ही शिवसेनेला मिळणारच आहे असं अंबादास दानवे म्हणाले आहेत. कार्यकर्ते भावना व्यक्त करत असतात, ते नेत्यांनी ऐकलं पाहिजे. ही भावना नेत्यांनी ऐकली आहे असं दानवे म्हणाले.