Maratha Reservation : जरांगेंचा सरकारला इशारा’, ‘…तिथपर्यंत आंदोलन संपणार नाही’

मनोज जरांगेंशी चर्चा करण्यासाठी सरकारचे शिष्टमंडळ लोणावळ्यात दाखल झाले आहे. यावेळी या शिष्टमंडळाच्या बैठकीला जाण्यापूर्वी मनोज जरांगे पाटलांनी सभा घेऊन आंदोलकांशी चर्चा केली. आपल्याला मुंबईकडे जायचं आहे. वाशीचा शेवटचा मुक्काम राहिला आहे. आणि मुंबईत आमरण उपोषण करणार असल्याचे जरांगे यांनी यावेळी सांगितले.

हे ही वाचा : संदीप राऊतांच्या ED नोटीसीवर राऊत कडाडले, ‘फडणवीसांच राज्य आहे की अफजलखान…’

आपण दिलेला शब्द पाळतो हे सिद्ध केलं आहे. मुंबईत शांततेत जाणार आणि आरक्षण घेतल्याशिवाय उठणार नाही. या भूमिकेवर आम्ही ठाम राहणार असल्याचेही जरांगे यांनी सांगितले आहे. मुंबईत शांततेत आंदोलन करायचं, खायचं, प्यायचं आणि झोपायच. तसेच लोकांना त्रास होणार नाही याची खबरदारी घ्यायची आहे. आपल्या आंदोलनात कोणी जाळपोळ करतोय का याकडे लक्ष ठेवायचंय, असेही जरांगेंनी मराठा आंदोलकांना आवाहन केले आहे.

शेवटच्या व्यक्तीला आरक्षण मिळेपर्यंत हे आंदोलन संपणार नाही.त्यामुळे शिष्टमंडळाने काय आणलंय ते पाहतो आणि त्यांच्याशी चर्चा करतो. आमच्या समजाचा त्यात हित असलं आणि आमच्या मागण्या मान्य केल्या असल्या तर ठीक नाहीतर चलो मुंबई, असे देखील जरांगे यांनी सांगितले . आम्हाला आरक्षण हवंय कुठेही दिले तरी चालेल, पुण्यात जरी मिळालं तरी घेणार, वाशीत जरी मिळालं तर घेणार आणि मुंबईत जरी मिळालं तरी घेणार असल्याचे जरांगेंनी सांगितले आहे. तसेच बैठकीत जी चर्चा होईल ती तुम्हाला येऊन सांगतो. तुम्हाला विचारल्याशिवाय कुठला निर्णय होणार नाही, असे देखील जरांगेंनी मराठा आंदोलकांना सांगितले आहे.