IPL 2022 Retaintion : धोनी, कोहली, रोहित, बुमराह आपल्या जुन्या संघाकडूनच खेळणार

ESPNCricinfo ने दिलेल्या माहितीनुसार आतापर्यंत चेन्नई, कोलकाता, हैदराबाद, मुंबई, बंगळुरु, दिल्ली आणि राजस्थान या सात संघांनी आपले कायम राखलेले खेळाडू जाहीर केले आहेत. बहुतांश सर्वच संघांनी आपल्या संघात अनुभवी खेळाडूंना जागा मिळेल याची काळजी घेतली आहे.

चेन्नई सुपरकिंग्जने कायम राखलेले खेळाडू – रविंद्र जाडेजा, महेंद्रसिंह धोनी, ऋतुराज गायकवाड, मोईन अली

कोलकाता नाईट रायडर्सने कायम राखलेले खेळाडू – सुनील नरीन, आंद्रे रसेल, वरुण चक्रवर्ती, व्यंकटेश अय्यर

सनराईजर्स हैदराबादने कायम राखलेले खेळाडू – केन विल्यमसन

मुंबई इंडियन्सने कायम राखलेले खेळाडू – रोहित शर्मा, जसप्रीत बुमराह

रॉयल चॅलेंजर्स बंगळुरुने कायम राखलेले खेळाडू – विराट कोहली, ग्लेन मॅक्सवेल

दिल्ली कॅपिटल्सने कायम राखलेले खेळाडू – ऋषभ पंत, पृथ्वी शॉ, अक्षर पटेल, अॅन्रिच नॉर्ट्जे

राजस्थान रॉयल्सने कायम राखलेले खेळाडू – संजू सॅमसन

आयपीएलच्या आगामी हंगामासाठी मेगा ऑक्शन पार पडणार आहे. यासाठी प्रत्येक संघाला बीसीसीआयने Purse Amount ९० कोटींपर्यंत वाढवून दिली आहे. काही दिवसांपूर्वी पार पडलेल्या संघाच्या लिलावात लखनऊ आणि अहमदाबाद हे दोन नवीन संघ आयपीएलमध्ये सहभागी झाले आहेत, त्यामुळे आगामी हंगामापासून आयपीएल हे दहा संघांनिशी खेळवलं जाणार आहे.

खेळाडूंना संघात कायम राखण्यासाठी बीसीसीआयने सर्व संघमालकांना टप्पे ठरवून दिले आहेत. जो संघ ४ खेळाडूंना कायम राखेल त्या संघाचे ९० कोटीच्या Purse Amount मधून ४२ कोटी, जो संघ तीन खेळाडूंना कायम राखेल त्याच्या Purse Amount मधून ३३ कोटी, जो संघ दोन खेळाडूंना कायम राखेल त्याच्या Purse Amount मधून २४ कोटी तर जो संघ एकाच खेळाडूला कायम राखेल त्याच्या Purse Amount मधून १४ कोटी कापले जाणार आहेत.