नाशिकमध्ये बाप्पाला निरोप देताना काळाने साधला डाव! दोघांचा मृत्यू, तर दोघांचा…

घटनास्थळी अग्निशमन दल

नाशिक शहरातील रामकुंड परिसरातील नदीकिनारी गाडगे महाराज पुलाजवळील घाटावर दोन जण बुडाल्याची घटना समोर आली आहे. हे दोघे जण विसर्जनासाठी आले होते. याचवेळी ते दोघेही बुडाल्याची माहिती समोर आली असून सद्यस्थितीत या दोघांचाही महापालिकेच्या अग्निशमन आणि आपत्ती व्यवस्थापन विभागाकडून शोध घेतला जात आहे.

हे ही वाचा >> बाप्पाच्या मिरवणुकीत अनर्थ!, डीजेच्या दणदणाटात सांगलीत 2 युवकांचा मृत्यू

दोघांचे मृतदेह सापडले

तर दुसरी घटना वळदेवीपरिसरामध्ये घडली आहे. वालदेवी परिसरात मित्रांसोबत गेलेल्या दोन युवकांचा धरणात बुडून मृत्यू झाल्याची घटना घडली असून या दोघांचेही मृतदेह शोधण्यात पोलिसांना यश आले आहे. तसेच पुढील कार्यवाहीसाठी हे दोन्ही मृतदेह नाशिकच्या जिल्हा रुग्णालयात दाखल करण्यात आले आहेत.

वाचवणाराही वाहून गेला

यावेळी प्रसाद दराडे हा पाण्याजवळ गेल्याने त्याचा पाय घसरून पाण्यात पडला व पोहता येत नसल्याने पाण्यात तो बुडू लागला. तेव्हा शेजारी असलेल्या रोहित नागरगोजे याने त्याला वाचवण्यासाठी पाण्यात उडी घेतली, मात्र पाण्याचा प्रवाह जास्त असल्याने दोघे जण वाहून गेले. नदी पात्रातील दगडांमुळे ते जखमी झाले होते.

हे ही वाचा >> Manipur Violence : मुख्यमंत्र्यांचं वडिलोपार्जित घर जाळण्याचा प्रयत्न

पोलिसांच्या वाहन मदतीला

त्यानंतर दोघा युवकांना पोलिसांनी बाहेर काढून रुग्णालयाकडे पाठवण्यात आले. यावेळी रुग्णवाहिका उपलब्ध नसल्याने रोहित नागरगोजे याला जिल्हा रुग्णालयात तर प्रसाद दराडे यास बिटको व नंतर सिन्नर फाटा येथील खाजगी रुग्णालयात दाखल केले. मात्र वैद्यकीय अधिकारी यांनी त्यांना तपासल्यानंतर मात्र मृत म्हणून घोषित केले.