'यासाठी' 5 मुलांना सोडून गीता पळाली 4 मुलांचा बाप असलेल्या गोपाळसोबत, नंतर फेसबुकवर...
एक महिला आपल्या पाच मुलांना सोडून गावातील दुसऱ्या विवाहित पुरुषाबरोबर पळून गेल्याची धक्कादायक घटना उत्तर प्रदेशातील सिद्धार्थनगरमध्ये घडली आहे.
ADVERTISEMENT
सिद्धार्थनगर (उत्तर प्रदेश): उत्तर प्रदेशातील सिद्धार्थनगरमधून एक धक्कादायक बातमी समोर आली आहे. येथे एक विवाहित महिला आणि पुरूष त्यांच्या कुटुंबाला सोडून पळून गेले. दोघांनाही मिळून एकूण 9 मुले आहेत, ज्यांना त्यांनी सोडून दिलं आणि लग्न केलं. तसेच फेसबुकवर फोटो पोस्ट करून याबद्दल माहिती दिली. महिलेच्या पतीने असा दावा केला आहे की, ती घरातून 90,000 रुपये आणि दागिने घेऊन पळून गेली आहे. पोलिसांनी आता या प्रकरणाचा तपास सुरू केला आहे.
गावात उडाली एकच खळबळ
हे प्रकरण सिद्धार्थनगरच्या महारिया गावाचे आहे. इथे राहणारी गीता आणि त्याच गावातील गोपाळ यांचे आधीच लग्न झाले होते. पण तरीही दोघांमध्ये प्रेमसंबंध चालू होते. एके दिवशी अचानक दोघेही आपल्या कुटुंबाला सोडून पळून गेले. गीताला 5 मुले आहेत आणि गोपाळला 4 मुले आहेत. दोघांनीही गुपचूप लग्न केले. त्यानंतर त्यांनी फेसबुकवर लग्नाचे फोटो पोस्ट करून सर्वांना धक्का दिला. 5 एप्रिल रोजी जेव्हा गावकऱ्यांनी हे फोटो पाहिले तेव्हा एकच गोंधळ उडाला.
हे ही वाचा>> मुलीच्या लग्नाच्या पत्रिका वाटल्या! पण लग्नाआधीच सासू जावयासोबत पळाली, 20 तास फोनवर...
पती-पत्नीने केले गंभीर आरोप
गीताचे पती श्रीचंद यांनी सांगितले की, तो मुंबईत वडा पाव विकायचा. तो काही दिवसांपूर्वीच घरी आला होता. यावेळी गीताने त्यांच्या घरातून 90 हजार रुपये आणि दागिने घेऊन पळ काढला. त्याच वेळी, गोपाळची पत्नी म्हणते की, 'गोपाळ आधीपासूनच बेजबाबदार होता. दारू पिऊन तो घरी भांडत असे.' आता ती तिच्या चार मुलांसह एकटी राहिली आहे. ती म्हणाली, "माझ्यासाठी गोपाळ आता मेला आहे. पण मुलांची जबाबदारी अजूनही त्याचीच आहे."
हे ही वाचा>> 3 मुलांच्या आईचं 12 वी च्या विद्यार्थ्याशी जडलं प्रेम! मंदिरात तिसरं लग्न करायला गेली, पण घडलं असं...
फेसबुकवर टाकली पोस्ट
दरम्यान, गीता आणि गोपाळ यांनी फेसबुकवर फोटो पोस्ट करून त्यांच्या लग्नाबद्दल आनंद व्यक्त केला आहे. हे फोटो पाहिल्यानंतर गावकऱ्यांनी गीता आणि गोपाळच्या कुटुंबाला याची माहिती दिली. यानंतर हे प्रकरण पोलिसांपर्यंत पोहोचले. सिद्धार्थनगर पोलीस स्टेशनचे SHO अनुज सिंह म्हणाले, "आम्हाला याची माहिती आहे. अद्याप कोणतीही लेखी तक्रार आलेली नाही. तक्रार येताच कारवाई केली जाईल."
हे वाचलं का?
