Pune Crime: पुण्यात नको ते घडलं, 23 वर्षीय तरूणाचा 85 वर्षाच्या वृद्ध महिलेवर बलात्कार

मिळालेल्या माहितीनुसार, पीडित 85 वर्षीय महिला पाचव्या मजल्यावर राहते. संध्याकाळी 6.30 च्या सुमारास ती आपल्या फ्लॅटच्या समोर असलेल्या मजल्यावरच फेरफटका मारत होती. यावेळी एका ठिकाणी इलेक्ट्रिशियनचे काम करण्यासाठी 23 वर्षीय तरूण आला होता. पाचव्या मजल्यावर आल्यानंतर वासनांध आरोपीने महिला एकटीच फिरत असल्याचं पाहिलं आणि संधी साधली. महिलेचं तोंड दाबून आरोपीने तिला जिन्यावरून फरफट नेलं.

हेही वाचा : Maharashtra weather: काळजी घ्या! राज्यात पावसाचा धुमाकूळ, 'या' जिल्ह्यांना धोक्याचा इशारा!

सहाव्या आणि सातव्या मजल्याच्या जिन्यातील मोकळ्या जागेत नेऊन आरोपीने पीडित महिलेवर बलात्कार केला. त्याचबरोबर जेव्हा तिने यासाठी प्रतिकार करत आरडाओरडा केला त्यावेळी आरोपीने तिला गळा दाबून मारहाणही केली. त्यानंतर आरोपीने तिथून पळ काढला.

पीडित 85 वर्षीय महिलेने हा घृणास्पद प्रकार घरी जाऊन सांगितला. या प्रकरणी पिडीतेच्या 57 वर्षीय मुलीने हिंजवडी पोलीस ठाण्यात फिर्याद दिली. त्यानुसार आरोपी ओम जयचंद पुरी (वय 23, सध्या रा. साखरे वस्ती, मुळ रा. धाराशिव ) याला काही तासांतच पोलिसांनी आरोपीला अटक केली.

हेही वाचा : Urmila Matondkar Divorce: उर्मिला मातोंडकर घटस्फोट घेणार? 8 वर्षानंतर पती मोहसीनसोबत काय बिनसलं?

आरोपीला अटक करण्याच्या वेळी तो मद्यधुंद अवस्थेत आढळला. त्याने हे काम दारूच्या नशेत केल्याचे कबुल केले. पोलिसांनी त्याला अटक केली असून त्याला शिवाजीनगर न्यायालयात हजर केले. न्यायालयाने त्याला आता पाच दिवसांची पोलीस कोठडी सुनावली आहे.