PUNE: शिवशाही बसमध्ये तरुणीवर बलात्कार, वसंत मोरेंकडून डेपोत तोडफोड!

कथित निष्काळजीपणाचा निषेध करत, शिवसेनेच्या (UBT) कार्यकर्त्यांच्या एका गटाने स्वारगेट बस स्थानकावरील सुरक्षा रक्षकांच्या केबिनची तोडफोड केली. या घटनेबद्दल महिला कार्यकर्त्यांनी भाजपच्या नेतृत्वाखालील महाराष्ट्र सरकारविरुद्ध घोषणाबाजी केली तर अनेक कार्यकर्त्यांनी सुरक्षा कार्यालयाच्या आत खिडक्यांच्या काचा आणि फर्निचर फोडले.

हे ही वाचा>> Pune : "शरीरसुखाची मागणी पूर्ण न केल्यानं मला निलंबित केलं...", PMPL महिला कंडक्टरचा कार्यालयातच आत्मदहनाचा प्रयत्न

'केबिनमध्ये बसण्याचा कोणालाही अधिकार नाही'

शिवसेना (UBT) नेते वसंत मोरे म्हणाले की, जर सुरक्षा केबिनसमोर एखाद्या महिलेवर बलात्कार झाला तर तिथे बसण्याचा कोणालाही अधिकार नाही. वसंत मोरे म्हणाले की, 'ही घटना सुरक्षा केबिनसमोर घडली. जर सुरक्षा केबिनसमोर एखाद्या महिलेवर बलात्कार झाला तर तिथे बसण्याचा कोणालाही अधिकार नाही.'

आरोपीची ओळख

या प्रकरणाची माहिती देताना पोलिसांनी सांगितले की, स्वारगेट बसस्थानकावर बसमध्ये महिलेवर बलात्कार करणाऱ्या आरोपीचा शोध घेण्यासाठी शोध मोहीम राबविण्यात येत आहे.

हे ही वाचा>> Pune : पुणे शहर हादरलं! स्वारगेट स्थानकावर शिवशाही बसमध्ये 26 वर्षीय तरूणीवर अत्याचार, बोलण्यात अडकवून आरोपीने...

स्वारगेट पोलीस ठाण्यातील एका अधिकाऱ्याने पुष्टी केली की, सीसीटीव्ही फुटेजद्वारे अधिकाऱ्यांनी आरोपीची ओळख दत्तात्रेय गाडे म्हणून केली आहे. ज्याच्याविरुद्ध आधीच चोरी आणि चेन-स्नॅचिंगचे गुन्हे दाखल आहेत. त्याला पकडण्यासाठी अनेक पोलीस पथके तैनात करण्यात आली आहेत.

मंगळवारी सकाळी 5.30 वाजता ही महिला पैठणला जाण्यासाठी बसची वाट पाहत असताना ही घटना घडल्याचे पोलिसांनी सांगितले. एक व्यक्ती तरुणीकडे आली आणि त्याने सांगितलं की, तिला ज्या बसने ज्यायचं आहे ती बस दुसऱ्या ठिकाणी उभी आहे. त्या व्यक्तीवर विश्वास ठेवून, ती त्याच्या मागे एमएसआरटीसी डेपोच्या आवारात एका निर्जन ठिकाणी उभ्या असलेल्या रिकाम्या बसपर्यंत गेली. ती बसमध्ये चढताच, आरोपीने बसमध्ये चढून दरवाजा बंद केला आणि तिच्यावर बलात्कार केला आणि नंतर अंधाराचा फायदा घेत घटनास्थळावरून पळून गेला.

23 सुरक्षा रक्षक निलंबित 

याशिवाय, घटनेनंतर, स्वारगेट बस डेपोमधील सुरक्षेतील त्रुटींबाबत अधिकाऱ्यांनी तात्काळ कारवाई करण्यास सुरुवात केली. परिवहन मंत्री प्रताप सरनाईक यांनी बसस्थानकावर तैनात असलेल्या 23 सुरक्षा रक्षकांना तात्काळ निलंबित करण्याचे आदेश दिले आहेत. तसेच, नवीन सुरक्षा कर्मचाऱ्यांना गुरुवारपासून कर्तव्यावर रुजू होण्याचे निर्देश देण्यात आले आहेत.

स्वारगेट डेपो मॅनेजर आणि वाहतूक नियंत्रकाविरुद्धही चौकशी सुरू करण्यात आली आहे. त्यांच्या जबाबदारीचा सविस्तर अहवाल एका आठवड्यात परिवहन आयुक्तांना सादर केला जाईल, ज्याच्या आधारे पुढील कारवाईचा निर्णय घेतला जाईल.

दरम्यान, महाराष्ट्राचे उपमुख्यमंत्री अजित पवार यांनी या घटनेचा निषेध केला "सुसंस्कृत समाजातील प्रत्येक सदस्यासाठी अत्यंत लज्जास्पद, वेदनादायक आणि संतापजनक घटना आहे" असं ते यावेळी म्हणाले.

ते म्हणाले, 'आमच्या बहिणीवर बलात्काराची घटना अत्यंत लज्जास्पद, वेदनादायक आणि सुसंस्कृत समाजातील प्रत्येक सदस्यासाठी संतापजनक आहे. आरोपीने केलेला गुन्हा अक्षम्य आहे आणि त्यासाठी मृत्युदंडाशिवाय दुसरी कोणतीही शिक्षा असू शकत नाही. मी स्वतः पुणे पोलीस आयुक्तांना तपासावर बारकाईने लक्ष ठेवण्याचे आणि आरोपींना तात्काळ अटक करण्याचे निर्देश दिले आहेत. मुख्यमंत्री देवेंद्र फडणवीस यांनीही या घटनेची गांभीर्याने दखल घेतली आहे आणि पोलिसांना आवश्यक त्या सूचना दिल्या आहेत.' असंही अजित पवार यावेळी म्हणाले.