Pushpa 2 OTT Release Date : पुष्पा-2 खरंच ओटीटीवर येणार की अफवा? निर्मात्यांनीच स्पष्ट केलं...

पुष्पा 2 हा चित्रपट OTT वर येणार की नाही याबद्दल आता निर्मात्यांनी आपली भूमिका स्पष्ट केली असून, ज्या चाहत्यांनी 9 जानेवारी रोजी OTT वर चित्रपट पाहण्याचा प्लॅन केला होता, त्यांना नाराज व्हावं लागणार आहे.

9 जानेवारीला पुष्पा-2 OTT होणार नाही

पुष्पा 2: The Rule च्या प्रोडक्शन हाऊस Mythri Movies ने त्यांच्या अधिकृत X हँडलवर एक पोस्ट शेअर केली. या पोस्टमध्ये त्यांनी स्पष्टपणे सांगितलं की, हा चित्रपट 9 जानेवारी रोजी OTT वर प्रदर्शीत केला जाणार नाही. पोस्टमध्ये त्यांनी म्हटलंय की. पुष्पा 2 च्या ओटीटी रिलीजबद्दल अफवा पसरत आहेत. त्यामुळे सुट्टीचा हा सर्वात मोठा हंगाम असून, फक्त मोठ्या पडद्यावर सर्वात मोठा चित्रपट #पुष्पा2 चा आनंद घ्या. #WildFirePushpa फक्त थिएटरमध्ये आहे.

रिलीजच्या तिसऱ्याच दिवशी वसूल झाला खर्च

5 डिसेंबर रोजी दिग्दर्शक सुकुमार दिग्दर्शित 'पुष्पा 2: द रुल' हा चित्रपट प्रदर्शित झाला. चित्रपट प्रदर्शित होऊन 15 दिवस झाले असून चित्रपट बॉक्स ऑफिसवर धुमाकूळ घालतोय. या चित्रपटाने पहिल्या 3 दिवसातच बजेट वसूल केलं होतं. पुष्पा-2 आतापर्यंतचा सर्वात मोठा ब्लॉकबस्टर ठरला आहे. अलीकडेच अशी बातमी आली होती की, अल्लू अर्जुनचा पुष्पा चित्रपट 9 जानेवारी 2025 रोजी OTT वर प्रदर्शित होणार आहे. मात्र, निर्मात्यांनी आता तसं होणार नसल्याचं स्पष्ट केले आहे.