Baramati Vidhan Sabha: अजित पवारांविरोधात शरद पवारांचा उमेदवार ठरला!

लोकसभा निवडणुकीत बारामती मतदारसंघात सुप्रिया सुळे आणि सुनेत्रा पवार निवडणुकीच्या रिंगणात होत्या. पण, प्रत्यक्षात लढत होती, ती शरद पवार आणि अजित पवार यांच्यात! आता पुन्हा एकदा पवार विरुद्ध पवार राजकीय संघर्ष बघायला मिळणार आहे. 

विधानसभेला युगेंद्र पवार विरुद्ध अजित पवार

बारामती विधानसभा मतदारसंघातून अजित पवार सातत्याने निवडून आले आहे. पण, राष्ट्रवादी काँग्रेसमध्ये फूट पडली आहे. बारामतीत आता पवार विरुद्ध पवार संघर्ष बघायला मिळत आहे.

हेही वाचा >> "...तर महाविकास आघाडी तुटली असती", पृथ्वीराज चव्हाणांचे विधान 

लोकसभा निवडणुकीपासूनच युगेंद्र पवार हे राजकारणात सक्रीय झाले. तेव्हापासूनच ते विधानसभा निवडणूक लढवणार अशी चर्चा सुरू झाली. आता पार्थ पवारांनीच याला दुजोरा दिला आहे.

पार्थ पवार म्हणाले, "विधानसभा निवडणुकीत बारामती विधानसभा उपमुख्यमंत्री अजित पवार यांच्या विरोधात युगेंद्र पवार यांना महाविकास आघाडीकडून उमदेवारी देण्याचे शरद पवार यांनी ठरवले आहे."

हेही वाचा >> अजित पवारांची दोनदा भेट; युगेंद्र पवार बारामतीतून निवडणूक लढणार?

"युगेंद्र हा मोठा असून, निवडणूक लढवायची की नाही त्याने ठरवावे. मात्र, या निर्णयामुळे काही फरक पडणार नाही. निवडून येण्यास अजित पवार यांना कोणतीही अडचण येणार नाही", असे पार्थ म्हणाले आहेत. 

लोकसभा निवडणुकीत सुप्रिया सुळेंना मताधिक्य

बारामती विधानसभा मतदारसंघाने लोकसभा निवडणुकीत अजित पवारांविरोधात कौल दिला. लोकसभा निवडणुकीत बारामती विधानसभा मतदारसंघात सुप्रिया सुळे यांना मताधिक्य मिळाले. सुप्रिया सुळे यांना १ लाख ४३ हजार ९४१ इतकी मते मिळाली.

हेही वाचा >> 'माझ्याकडून चूक झाली', सुनेत्रा पवारांच्या उमेदवारीबद्दल अजित पवारांची कबुली 

सुनेत्रा पवार यांना ९६ हजार ५६० इतकी मते मिळाली होती. म्हणजे सुनेत्रा पवार यांना अजित पवार आमदार असलेल्या बारामती विधानसभा मतदारसंघातूनच मताधिक्य मिळू शकले नाही.