Amit Thackeray : पुतण्या अमित ठाकरेला उद्धव ठाकरे छुपी मदत करणार? 'या' कारणामुळे होतेय चर्चा

Dadar Mahim VidhanSabha 2024: राज्यात विधानसभा निवडणुकांदरम्यान चर्चेत असलेला एक मतदारसंघ म्हणजे माहिम विधानसभा मतदारसंघ. मनसे अध्यक्ष राज ठाकरे यांचे पुत्र अमित ठाकरे हे या मतदारसंघातून निवडणूक लढणार आहेत. तर दुसरीकडे एकनाथ शिंदे यांच्या शिवसेनेचे सदा सरवणकरही याच मतदारसंघात मैदानात आहेत. तर उद्धव ठाकरे यांच्या शिवसेनेकडून महेश सावंत या मतदारसंघातून लढणार आहे. या मतदारसंघात तिरंगी लढत होणार असून, पुढच्या काही दिवसांत मोठ्या ताकदीनं तिन्ही उमेदवारांसाठी प्रचार होताना दिसणार आहे. मात्र आता उद्धव ठाकरे या मतदारसंघात सभा घेणार नसल्याचं समजतंय. याचे वेगवेगळे राजकीय अर्थ काढले जातायत.