बृजभूषण सिंहचा पाय खोलात, दिल्ली पोलिसांच्या आरोपपत्रात खळबळजनक आरोप

पोलिसांच्या चार्जशीटमध्ये काय?

द इंडियन एक्सप्रेसच्या रिपोर्टनुसार, चार्जशीटमध्ये असे लिहलेय की, आरोपीला खटल्याला सामोरे जाण्यासाठी बोलावण्यात यावे, तसेच साक्षिदारांना त्यांची साक्ष देण्यास सांगण्यात यावे, असे सांगितले होते. चार्जशीटमध्ये तपास अधिकाऱ्यांनी 108 जणांची साक्ष नोंदवली आहे. ज्यामध्ये 15 कुस्तीपटूंनी केलेल्या आरोपांचा पुनरूच्चार केला आहे. या 15 मध्ये कुस्तीपटू, कोच आणि रेफरीचा समावेश आहे. असे असले तरी बृजभूषण शरण सिंहने (brij bhushan sharan singh)हे सर्व आरोप फेटाळून लावले आहेत. तसेच या कुस्तीपटूंना मी कधीच भेटलो नाही आहे, आणि त्यांच्याकडे माझा फोन नंबरही नसल्याचा दावा बृजभूषण सिंह यांनी केला आहे.

हे ही वाचा : Uddhav Thackeray vs Devendra Fadnavis : दानवे फडणवीसांना म्हणाले, “कावळ्यांची काविळ”

कुस्तीपटुंचा आरोप आहे की, लैंगिक छळाची 15 प्रकरणे आहेत. यामधील 10 प्रकरणात चुकीच्या पद्धतीने स्पर्श करणे, धमकावणे, पाठलाग करण्याचे आरोप आहे. तसेच या चार्जशीटमध्ये दिल्ली पोलिसांनी अनेक साक्षीदारांची साक्ष नोंदवली आहे. द इंडियन एक्सप्रेसच्या रिपोर्टमध्ये चार्जशीटमधील कुस्तीपटूचे आरोप आणि साक्ष छापली गेली आहे.

कुस्तीपटूंचे आरोप काय आहेत?

चार्जशीटमध्ये एका कुस्तीपटूने साक्ष नोंदवताना म्हटले की, मी रेस्टॉरंटमध्ये डिनरसाठी गेली होती. आरोपीने मला डिनरच्या टेबलवर बोलावले होते. यावेळी आरोपीने त्याचा हात माझ्या छातीवर ठेवला आणि दाबला त्यानंतर पोटापर्यंत हात नेला. असे साधारण त्याने तीन-चार वेळा केले. तसेच कुस्ती महासंघाच्या कार्यालयात त्याने माझे तळवे, गुडघे, मांड्या, खांद्यावर मला माझ्या परवानगीशिवाय स्पर्श करायला सुरुवात केली. तसेच माझा श्वास तपासण्याच्या बहाण्याने छातीवर हात ठेवला आणि पोटापर्यंत नेला. या आरोपांची तीन कुस्तीपटूसह काही साक्षीदारांनी पुष्टी केली आहे.

पीडिता श्वास तपासण्याच्या बहाण्याने लैंगिक छळाची शिकार ठरली. तसेच विजयी ठरल्यानंतर आरोपी वॉर्मअपच्या परीसरात तिला शुभेच्छा द्यायला गेला होता, त्यावेळी त्याने त्याचा हात पीडितेच्या पोटावर आणि छातीवर ठेवला. पीडितेला हे फारच विचित्र वाटलं. कारण त्या दरम्यान इतर देशाचे खेळाडू देखील तिकडे उपस्थित होते.

हे ही वाचा : 602 मध्ये ऑफिस नको रे बाबा!; अजित पवारच अंधश्रेद्धेचे ‘बळी’, प्रकरण काय?

दुसऱ्या एका महिला कुस्तीपटूंचा असा आरोप आहे की, जेव्हा ती मॅटवर झोपली होती,तेव्हा बृजभूषणने तिचे टीशर्ट वरती केले होते आणि छातीवर हात ठेवून पोटावरही हात ठेवला. श्वास तपासण्याच्या बहाण्याने त्याने हे कृत्य केले आहे. तसेच फेडरेशनच्या ऑफिसच्या रूममध्ये बोलावून जबरजस्ती स्वत:च्या दिशेने खेचले. तसेच आणखीण एका कुस्तीपटूने टीम फोटोदरम्यान बृजभूषण तिच्याजवळ येऊन उभा राहिला आणि कुल्यावर हात ठेवला. यावेळी हात काढल्यानंतर त्याने खांदे पकडल्याचा आरोप केला. फोटो घेण्याच्या बहाण्याने स्वत:जवळ खेचले आणि विरोध केल्यास धमकावल्याचा आरोप आणखीण एका कुस्तीपटूने केला.

दरम्यान दिल्ली पोलिसांनी बृजभूषण शरण सिंह यांना चार प्रकरणात दोषी ठरवले आहे. दिल्ली पोलिसांच्या चार्जशीटमध्ये लैगिक छळ, छेडछाड आणि पाठलाग केल्याच्या आरोपाखाली कारवाई होऊन शिक्षा झाली पाहिजे असे म्हटले आहे. या प्रकरणात पाच वर्षाची शिक्षा होऊ शकते. त्यामुळे आता या प्रकरणात पुढे काय कारवाई होते, हे पाहणे महत्वाचे ठरणार आहे.