Karnataka : डीके शिवकुमार यांचे भाकीत ठरलं खरं! 128 दिवसांपूर्वी म्हणाले होते…
कर्नाटक काँग्रेसचे प्रदेशाध्यक्ष डीके शिवकुमार यांचा एक जुना व्हिडिओ समोर आला आहे. यामध्ये ते काँग्रेस किती जागा जिंकणार याबद्दल एक अंदाज सांगत आहे.
ADVERTISEMENT
कर्नाटक निवडणुकीत काँग्रेसने स्पष्ट बहुमताने विजय मिळवला. आता सरकार स्थापनेची तयारी सुरू आहे. निवडणुकीनंतर आलेल्या बहुतांश एक्झिट पोलमध्ये काँग्रेसला विजय मिळताना दिसला. इंडिया टुडे-अॅक्सिस माय इंडियाच्या एक्झिट पोलने कर्नाटकात काँग्रेस 122-140 जागा जिंकेल असा अंदाज वर्तवला होता. अंदाज आणि शक्यतांचे आता निकालात रूपांतर झाले आहे. याच दरम्यान, कर्नाटक काँग्रेसचे प्रदेशाध्यक्ष डीके शिवकुमार यांचा एक जुना व्हिडिओ समोर आला आहे. यामध्ये ते काँग्रेस किती जागा जिंकणार याबद्दल एक अंदाज सांगत आहे. (an old video of Karnataka Congress President DK Shivakumar has surfaced. In this, they are estimating the seats of Congress.)
ADVERTISEMENT
डीके शिवकुमार यांचा हा व्हिडिओ 6 जानेवारी 2023 रोजीचा आहे. इंडिया टुडेच्या पत्रकार सुप्रिया भारद्वाज यांनी त्यांना यासंदर्भात प्रश्न विचारला होता. सुप्रियांनी प्रश्न केला होता की, आगामी कर्नाटक विधानसभा निवडणुकीत काँग्रेस किती जागा जिंकेल? त्याला उत्तर देताना शिवकुमार म्हणाले होते की, “136.”
हेही वाचा >> Karnataka : सर्वात मोठा विजय! BJP, JD(S) चे बालेकिल्ले काँग्रेसने कसे बळकावले?
13 मे रोजी आलेल्या कर्नाटक निवडणुकीच्या निकालात काँग्रेसने 135 जागा जिंकल्या. त्यामुळे हा अचूक अंदाज लावल्याबद्दल लोक शिवकुमार यांचे कौतुक करत आहेत.
हे वाचलं का?
Video : …अन् निकालानंतर डी.के. शिवकुमार यांना कोसळलं रडू
सोशल मीडियावर अनेक लोक त्यांना कर्नाटकचे पुढील मुख्यमंत्री करण्याची मागणी करत आहेत. मात्र, विधिमंडळ पक्षनेते निवडीसाठी 14 मे रोजी सायंकाळी काँग्रेस आमदारांची बैठक होणार आहे.
Karnataka Congress chief Mr @DKShivakumar told me in January 6th, 2023 – the number of seats that he was confident of winning in Karnataka…
Mr Shivkumar replied – 136 …
And today Congress is leading on 136 seats in #Karnataka … pic.twitter.com/ZKfeZNtAvO
— Supriya Bhardwaj (@Supriya23bh) May 13, 2023
ADVERTISEMENT
“मल्लिकार्जून खरगेंना मी शब्द दिला होता,…”
राज्यात काँग्रेसच्या विजयानंतर शिवकुमार भावूक झाले. त्यांनी सोनिया गांधी, राहुल गांधी आणि प्रियांका गांधी यांचे आभार मानले. माध्यमांशी बोलताना शिवकुमार म्हणाले की, “भाजपच्या लोकांनी मला तुरुंगात पाठवलं तेव्हा सोनिया गांधी मला भेटायला तुरुंगात आल्या होत्या, हे मी विसरू शकत नाही. या विजयाचं श्रेय मी पक्षाच्या कार्यकर्त्यांना देतो. आम्ही एकत्रितपणे मेहनत घेतली. आम्ही कर्नाटक जिंकून दाखवू असा असा शब्द मी मल्लिकार्जुन खरगे यांना दिला होता.”
ADVERTISEMENT
शिवकुमार यांचा सव्वा लाख मतांनी विजय
डीके शिवकुमार आणखी एका कारणाने चर्चेत आहेत. राज्यातील सर्वात मोठा विजय शिवकुमार यांच्या नावावर झाला आहे. कनकापुराचे आमदार शिवकुमार 1,22,392 मतांनी विजयी झाले आहेत. त्यांनी जेडीएसचे उमेदवार बी नागराजू यांचा पराभव केला. या मतदारसंघात भाजप तिसऱ्या क्रमांकावर राहिला. 2018 च्या निवडणुकीतही याच जागेवरून डीके शिवकुमार मोठ्या फरकाने विजयी झाले होते.
हेही वाचा >> Karnataka Results 2023 : भाजपचं टेन्शन वाढलं! 2024 मध्ये असा होणार परिणाम?
शिवकुमार हे राज्यातील काँग्रेसचं संघटन मजबूत करणारा चेहरा मानला जातो. मुख्यमंत्रीपदाचे उमेदवार म्हणूनही त्यांच्या नावाची चर्चा आहे. 2018 मध्ये जेव्हा काँग्रेस-जेडीएस आघाडी झाली, तेव्हाही डीके शिवकुमार यांची अतिशय सक्रिय भूमिका होती. डीके शिवकुमार हे कुमारस्वामी यांच्या सरकारमध्ये मंत्रीही झाले होते.
ADVERTISEMENT
ADVERTISEMENT