Rahul Gandhi :राहुल गांधीचा गंभीर आरोप, गौतम अदानी आणि PM मोदींना घेरलं, काय म्हणाले?

राहुल गांधी मुंबईतील पत्रकार परिषदेत बोलत होते. जी20 ची मिटींग सुरु आहे. अनेक देशातून नेते येतातय. या दरम्यान आजच अनेक बिझनेस न्युजपेपर्सनी ”एक कुटुंब जे मोदींच्या जवळ आहे, त्यांनी आपल्या शेअर्समध्ये पैसै गुतवले आहेत, अशी हेडींग दिल्याचे राहुल गांधी सांगत, 1 बिलि़यन डॉलर अदांनींच्या कंपनीतर्फे भारताबाहेर इतर देशात गेले आहेत आणि ते परतही आले आहेत. याचा परिणाम शेअर्सच्या किमतींवर झाला आहे. या पैशातून देशातील पायाभूत सुविधा विमानतळ आणि बंदर विकत घेतली जाणार आहेत. वृत्तपत्रांकडे याबाबतचा पुरावा देखील असल्याचे राहुल गांधी यांनी सांगितले आहे.

हे ही वाचा : One Nation-One Election: PM मोदींचं धक्कातंत्र, टाकला नवा डाव अन्…

हा जो पैसा वापरला जातोय, तो कुणाचा आहे? हा पैसा अदानींचा आहे की आणखीण कुणाचा आहे? हे काम करणारा मास्टरमाईंड विनोद अदानी आहे, जो गौतम अदानीचा भाऊ आहे, आणि त्याचे दोन पार्टनर्स नासीर अली सबान अली आणि एक चायनीज चेंग चोंग लिंग आहे, असा खुलासा राहुल गांधी यांनी केला आहे.

अदानी भारतातील पायाभूत सुविधा खरेदी करत आहेत. त्यात चायनीज नागरीकाचा का सहभाग आहे? त्याची यामध्ये काय भूमिका आहे? तसेच अदानी सरंक्षण, विमानतळ, बंदरात काम करतायत, तर चिनी लोकांची यात भूमिका काय आहे? असे सवाल राहुल गांधी यांनी उपस्थित केले आहेत.

पंतप्रधान नरेंद्र मोदी या प्रकरणात कठोर कारवाई का करत नाहीत.ते शांत का आहेत. पंतप्रधान मोदी आणि अदानी यांचे नाते असल्याचे वृत्तपत्र सांगत आहेत. आता प्रश्न आहे यांचं नातं काय आहे? सीबीआय, ईडी, अदानी या प्रकरणाची चौकशी का करत नाही. पंतप्रधान मोदींनी या प्रकरणात अॅक्शन घेऊन जेपीसीच्या चौकशीची मागणी केली पाहिजे, असे राहुल गांधी यांनी म्हटले आहे.

हे ही वाचा : India Alliance Meeting : ‘हे’ 10 राजकीय पक्ष विरोधकांच्या वाटेतील काटे!