Bhaynder Crime : मुलींना आंघोळ करताना खिडकीतून बघायचा, आईने शक्कल लढवून...; तरूणाचं पुढे काय झालं?

भाईंदर पश्चिमेला एक महिला आपल्या दोन अल्पवयीन मुलींसोबत राहत होती. मागील दोन महिन्यांपासून याच परिसरात राहणारा आरोपी मुलींचा सतत पाठलाग करायचा. आई घरात नसताना खिडकीतून लपून मुलींना आंघोळ करताना बघायचा. त्यामुळे मुलींना आपल्याच घरात सुरक्षित वाटत होते. तसेच त्या प्रचंड घाबरल्या होत्या. 

हे ही वाचा : Marathi Classical Language : मराठीला अभिजात भाषेचा दर्जा मिळाला, पण काय-काय फायदे मिळणार?

या घटनेनंतर मुलींनी आपल्या आईकडे याबाबतची तक्रार केली होती. या तक्रारीनंतर महिलेने स्थानिक मनसे कार्यकर्त्यांची भेट घेऊन याबाबतची माहिती दिली. परंतू या घटनेचा महिलेकडे पुरावा नव्हता. त्यामुळे महिलेने  या गोष्टीची खात्री पटावी म्हणून आपल्या घराबाहेर सीसीटीव्ही कॅमेरे लावले. त्यावेळी आरोपी घरात डोकावत असल्याचा दिसून आला. त्यामुळे महिलेने हा पुरावा दाखवताच मंगळवारी रात्रीच्या वेळी मनसे कार्यकर्त्यांनी त्याला पकडून चांगलाच चोप दिला आणि भाईंदर पोलीस ठाण्यात नेले.

या प्रकरणी पोलिसांनी महिलेच्या तक्रारीवरून आरोपीवर बालकांच्या लैगिक शोषण कायद्यांतर्गत गुन्हा दाखल करून अटक केली. आरोपी हा खासगी रुग्णालयात कामाला असून याबाबत तपास सुरु असल्याची माहिती भाईंदर पोलीस ठाण्याचे वरिष्ठ पोलीस निरीक्षक प्रफुल्ल वाघ यांनी दिली. या घटनेचा अधिक तपास सूरू आहे.