Crime : आरोपीचं सैतानी कृत्य! अल्पवयीन मुलीला नग्न करून अंगावर फेकलं ॲसिड, नंतर…

नग्न करून मारहाण

मुलीच्या आईने त्या कुटुंबीयांविरोधात पोलिसात तक्रार दाखल करून गुन्हा दाखल केला आहे. ज्या घरात आमची मुलगी काम करत होती. त्या घरातील महिला तिला लोखंडी रॉडने मारहाण करत होती तर कधी कधी तिने तिला हातोड्यानेही मारहाण केली आहे. तर त्या महिलेच्या दोन्ही मुलांनी अनेकदा तिचे कपडे फाडून तिला नग्न करून व्हिडीओ करत होते. लज्जा उत्पन्न होईल असं तिच्याबरोबर वर्तन करत होते.

हे ही वाचा >>Kalyan: मुलीच्या मित्रांना बोलवायची घरी, पतीने विरोध करताच दिले पेटवून

हातावर ॲसिड ओतलं

मुलीच्या तोंडाला चिकटपट्टी लावून तिला खोलीत कोंडून ठेवले होते. मात्र तिच्या आईने व तिच्या नातेवाईकांच्या मदतीने तिची सुटका केली आहे. जी तक्रार दाखल केली आहे, त्यामध्ये मुलीच्या आईने म्हटले आहे की, माझ्या मुलीला 48 तासांतून फक्त एकदाच जेवण दिले जात होते, व ती ओरडू नये म्हणून तिच्या तोंडाला चिकटपट्टी लावून तिला खोलीत डांबून ठेवण्यात आले होते. त्यानंतर घरमालकान तिच्या हातावर ॲसिड ओतून तिला जखमी केले व हे कोणाला सांगितले तर जीवे मारण्याची धमकीही देण्यात आली होती.

पगार दिलाच नाही

पीडित मुलगी ही बिहारची असून तिला काम सेक्टर 57 मध्ये राहणाऱ्या शशी शर्माच्या घरी मोलकरीन म्हणून कामाला ठेवण्यात आले होते. मुलगीला त्यांच्याच घरात राहिल व महिन्याला 9 हजार रुपये पगार दिला जाईल असं सांगण्यात आले होते. मात्र आता मुलीच्या आईने काम करून घेणाऱ्या कुटुंबावर गंभीर आरोप केले आहेत. पहिल्या दोन महिन्याचे फक्त त्यांनी आम्हाला पैसे दिल्याचे सांगितले आहे.

पोक्सो कायद्यांतर्गत गुन्हा

पीडितेच्या आईने सांगितले की, मी अनेकदा माझ्या मुलीला भेटायला गेले होते, मात्र त्या कुटुंबाने मला कधी भेटूच दिले नाही. तिला फोनवरही जास्त वेळ बोलू दिले जात नव्हते. अल्पवयीने मुलीच्या आईने तक्रार केल्यानंतर आता शशी शर्मा आणि त्यांच्या दोन मुलांविरुद्ध मारहाण करून जखमी करणे, महिलांचा अपमान करणे, प्राण्यांना क्रूरपणे हल्ला करायला लावणे व जीवे मारण्याची धमकी देणे हे गुन्हे त्यांच्यावर दाखल करण्यात आले आहेत. या प्रकरणी आता पोक्सो कायद्यांतर्गत गुन्हा दाखल करण्यात आला आहे.