Exclusive: सीमा हैदरचे तपास यंत्रणांनाच आव्हान, म्हणाली, ‘DNA,नार्को टेस्ट…’

आजतकने घेतलेल्या एक्सक्लुसिव्ह मुलाखतीत सीमा हैदर ISIची एजंट आहे का? असा सवाल करण्यात आला होता. या प्रश्नावर सीमा हैदर म्हणते की, मी ISI एजंट नाही आहे. तपास एजंसीने अनेक दिवस माझी चौकशी केली, आता ही माझी चौकशी करत आहेत. पण आता मी माझी सत्यता सिद्ध करण्यासाठी नार्को टेस्ट किंवा डीएनए टेस्ट करायला तयार आहे, असे थेट आव्हानच सीमा हैदरने आता भारतीय तपास यंत्रणांना दिले आहे.

हे ही वाचा : Exclusive : ‘नग्न धिंड, बलात्कार अन्…’, माजी सैनिकाने सांगितली ‘त्या’ व्हिडिओची हादरवून टाकणारी गोष्ट

हिंदु संस्कृतीची ट्रेनिंग घेऊन भारतात पाठवले आहे का? असा सवाल सीमा हैदरला करण्यात आला होता. यावर सीमा म्हणते, आता मी पाहिले की माझ्यामुळे हिंदु मुलींना मुस्लिम बनवण्यात आले. पाकिस्तान ही काही नवीन गोष्ट नाही आहे. पाकिस्तान दरदिवशी हिंदु मुलींना जबरदस्ती मुस्लिम बनवले जाते. फक्त बातम्या आता दाखवल्या जात आहेत, असे सीमाने सांगितले.

पाकिस्तानात परतलण्यावर सीमा हैदर म्हणते की, जर मी पाकिस्तानात गेले तर मला मारून टाकतील. काही लोक माझ्याविरोधात व्हिडिओ जारी करतायत, असे देखील सीमा हैंदर म्हणाली आहे. तसेच मला अटक झाल्यानंतर 3 दिवस विविध एजेन्सीने माझी कठोर चौकशी केली, असे देखील सीमा हैदर म्हणाली आहे.

सासऱ्यांचा गंभीर आरोप

सीमा हैदरचा सत्य जाणून घेण्यासाठी आज तकची टीम पाकिस्तानातील लाल खां झकरानी या गावातील सीमा हैदरच्या सासरी पोहोचली होती. यावेळी सासरे अमीर जान यांनी सीमावर गंभीर आरोप केले. सीमा हैदर 2014 साली झालेल्या लग्नानंतर दोनदाच सासरी आली आणि त्यानंतर कराचीत राहायला लागली. सासरच्या मंडळींशी सीमा हैदरचे नाते फारसे चांगले नसल्याचे गावातील नागरीकांनी आजतकला सांगितले. सीमा हैदर आमच्या नातवंडाचे भविष्य स्वत: ठरवू शकत नाही, असे म्हणत अमीर जान यांनी भारत आणि पाकिस्तान सरकारकडे आपल्या नातवंडाना परत पाठवण्याची मागणी केली आहे.