Pune Crime: हसन मुश्रीफांचं नाव वापरलं अन् पुण्यातील महिलेची 'अशी' केली फसवणूक

दरम्यान, या घटनेवर बोलताना मंत्री मुश्रीफ म्हणाले की, 'समरजीतसिंह घाटगे यांच्या पत्नीचीही 20 लाखाची फसवणूक झाली होती. त्यामुळं वीस लाख रुपये आकड्याचा हा योगायोग काय आहे?' असा सवालही त्यांनी केला.

हे ही वाचा>> प्रसिद्ध यूट्यूबर तरुणीचा 'तो' Video लीक! इंटिमेट व्हिडीओ पाहून चाहत्यांमध्ये खळबळ

'माझी बदनामी करण्याकरिता हे षडयंत्र असावं. याप्रकरणी आपण पुणेचे पोलीस आयुक्त यांना, संबंधित घटनेबाबत कठोर कारवाई करून चौकशी करण्याच्या सूचना करणार असल्याचं त्यांनी सांगितलं. अशा घटनेबाबत कारवाई का होत नाही?, आरोपींना अटक का होत नाही?' असा सवालही त्यांनी उपस्थित केला.

सायबर क्राईम गुन्ह्यात दिवसेंदिवस वाढ

देशात अनेक ठिकाणी सायबर गुन्हे होत असल्याचं पाहायला मिळतंय. महाराष्ट्रात देखील या गुन्ह्यांचं प्रमाण हे सातत्याने वाढत आहे. अनेक सुशिक्षित लोकं देखील सायबर क्राइमसारख्या गुन्ह्यांना बळी पडत आहेत. त्यामुळे पोलिसांची देखील डोकेदुखी वाढत आहे.

हे ही वाचा>> Crime : सासऱ्याने कोर्टातच IRS जावयाला घातल्या गोळ्या

दरम्यान, सायबर क्राईममधील वाढती गुन्हेगारी आणि त्या तुलनेत गुन्ह्यांचा होणार तपास यामध्ये बरीच तफावत आढळून येत आहे. सायबर क्राईममधील अनेक गुन्ह्यांमध्ये चोरट्यांचा तपासच लागत नाही. सायबर क्राईम सेलकडे मोठ्या प्रमाणात पायाभूत सुविधा असूनही चोरटे मात्र फारसे त्यांच्या हाती लागत नाही. ज्यामुळे दिवसेंदिवस या गुन्ह्यांमध्ये वाढ होत असल्याचं चित्र दिसू लागलं आहे. 

आता तर चक्क एका मंत्र्याच्या नावाने महिलेची तब्बल 20 लाखाची फसवणूक केल्याचं प्रकरण समोर आलं आहे. त्यामुळे आता तरी पोलीस प्रशासन या प्रकरणाचा नेमका छडा लावणार का? हे पाहणं महत्त्वाचं ठरणार आहे.