Shrinivas Vanga: शिंदेंनी तिकीट कापलं आमदार ढसाढसा रडला, म्हणाले ''ठाकरेंसारखा देवमाणूस...''

नेमकं काय घडलं?

2018 साली श्रीनिवास वनगा यांच्यासाठी उद्धव ठाकरेंनी थेट भाजपशी पंगा घेतला होता. पालघर लोकसभा पोटनिवडणुकीत श्रीनिवास वनगा यांना तिकीट नाकारून भाजपने राजेंद्र गावित यांना तिकीट दिलं होतं. तर उद्धव ठाकरेंनी शिवसेनेकडून वनगा यांना तिकीट दिलं होतं. पण या पोटनिवडणुकीत वनगांचा निसटता पराभव झाला.

हे ही वाचा>> Rajendra Gavit : पाचव्यांदा पक्ष बदलून शिवसेनेत एन्ट्री, शिंदेंनी उमेदवारी दिलेला हा नेता कोण?

मात्र, 2019 च्या विधानसभा निवडणुकीत वनगा यांना उद्धव ठाकरेंनी पुन्हा तिकीट दिलं आणि ते पालघर विधानसभा मतदारसंघातून निवडून आले. पण 2022 साली एकनाथ शिंदेंनी शिवसेनेत जे बंड केलं त्यामध्ये जे आमदार पहिल्याच वेळेस शिंदेंसोबत सूरत गेले त्यात श्रीनिवास वनगा यांचा समावेश होता. 

दरम्यान, आपण शिंदे गटात असल्याने आपलं तिकीट कापलं जाणार नाही अशी आशा श्रीनिवास वनगा यांना होती. मात्र, ऐनवेळी भाजपमधून राजेंद्र गावित यांना आपल्या पक्षात घेत शिंदेंनी श्रीनिवास वनगा यांचं तिकीट कापलं. 

अन् वनगा ढसाढसा रडले

एकनाथ शिंदे यांनी अशाप्रकारे तिकीट कापणं हे श्रीनिवास वनगा यांच्या अत्यंत जिव्हारी लागलं. याबाबत जेव्हा ते मीडियाशी बोलायला आले तेव्हा त्यांना कॅमेऱ्यासमोर आपले अश्रूही रोखता आले नाही..

हे ही वाचा>> Dheeraj Ghate Kasba : हिंदुत्ववादी सरकार हवंय, पण हिंदुत्ववादी कार्यकर्त्याला... उमेदवारी न मिळाल्यानं भाजपच्या धीरज घाटेंची नाराजी

'प्रामाणिकपणाचं हे फळ आम्हाला मिळालं?' असा सवालही त्यांनी मीडियाच्या माध्यामातून मुख्यमंत्री एकनाथ शिंदे यांना विचारला आहे. 

विरोधकांनी साधला शिंदेंवर निशाणा

दरम्यान, यानंतर तात्काळ विरोधकांनी शिंदेंवर निशाणा साधण्यास सुरुवात केली आहे. श्रीनिवास वनगा यांचा व्हिडीओ शेअर करत शिवसेना (UBT) नेत्या सुषमा अंधारे यांनी मार्मिक शब्दात टीका केली आहे.