Maharashtra Assembly Election 2024 Result : वळसेंसह 'हे' 10 आमदार हरता-हरता जिंकले, फक्त 'एवढ्या' मतांनी...

Maharashtra Assembly Elections 2024 : राज्यात काल विधानसभा निवडणुकांचे निकाल जाहीर झाले. या निकालामध्ये महायुतीला मोठा विजय मिळाला. 288 पैकी तब्बल 233 जागा  जिंकत महायुतीने इतिहास रचला. तर दुसरीकडे महाविकास आघाडीचा झालेला पराभव हा त्यांच्यासाठी धक्कादायक होता. पृथ्वीराज चव्हाण, बाळासाहेब थोरात, यशोमती ठाकूर, माणिकराव ठाकरे, धीरज देशमुख यांच्यासारख्या नेत्यांनाही या निवडणुकीत पराभव स्वीकारावा लागला. तर दुसरीकडे महाविकास आघाडीच्या ज्या नेत्यांचा विजय झाला, त्यांच्यामध्येही अनेक नेते काठावर पास झाले आहेत. एकीकडे निवडणुकीपूर्वी जे ज्या नाना पटोले यांचे भावी मुख्यमंत्री म्हणून होर्डिंग्स लागत होते. त्याच नाना पटोले यांचा अवघ्या 208 मतदांनी विजय झाला.