Elon Musk : एका दिवसात 64 कोटींची मतमोजणी! ट्वीट तुफान व्हायरल; एलॉन मस्क म्हणाले, "भारतीय निवडणूक..."

अमेरिकेत 5-6 नोव्हेंबरला राष्ट्रपतीपदासाठी निवडणुकीचा कार्यक्रम पार पडला. त्यानंतर मतमोजणी सुरु करण्यात आली. परंतु, कॅलिफॉर्नियात अजूनही मतमोजणी केली जात आहे. दरम्यान, अमेरिकेच्या दुसऱ्या राज्यांत मतांची मोजणी पूर्ण झाली आहे. या निवडणुकीत डोनाल्ड ट्रम्प यांना विजेता घोषित करण्यात आलंय. पुढच्या वर्षी जानेवारीत ट्रम्प राष्ट्रपतीपदाची शपथ घेणार आहेत. अमेरिकेत बॅलेट पेपरच्या माध्यमातून मतदान प्रक्रिया पार पडते.

हे ही वाचा >> Uddhav Thackeray Vs Eknath Shinde : शिंदेंचे 57 शिलेदार जिंकले, किती जागांवर ठाकरेंच्या उमेदवारांना पाडलं?

ईव्हीएम मतदान यंत्रे धोकादायक असल्याने ती रद्द केली पाहिजेत. इलेक्ट्रॉनिक वोटींग मशिन आणि पोस्टल वोटिंग खूप धक्कादायक ठरू शकतात. याला बॅलेट पेपर किंवा प्रत्यक्ष मतदानाच्या स्वरुपात बदललं पाहिजे, असंही एलॉन मस्क काही दिवसांपूर्वी म्हणाले होते. परंतु, एलॉन मस्क यांनी भारतीय निवडणूक पद्धतीबाबत केलेलं ट्वीट प्रचंड व्हायरल झाला आहे.

हे ही वाचा >> Maharashtra Assembly Election 2024 Result : लाखाच्या लीडने जिंकणाऱ्या आमदारांची यादी; अजितदादा, शिंदेंचा नंबर कितवा?

कारण मस्क यांनी भारतीय निवडणूक विभागाचं कौतुक केलं असून अमेरिकेच्या मतदान मोजणीच्या प्रक्रियेची खिल्ली उडवली आहे. एलॉन मस्क यांच्या सोशल मीडियाच्या पोस्टवर नेटकऱ्यांनी प्रतिक्रियांचा वर्षाव केला आहे. एका नेटकऱ्याने म्हटलं, भारताने एका दिवसात 640 मिलिनय मतांची मोजणी केली. तर कॅलिफॉर्नियात 15 मिलियन म्हणजेच 1.5 कोटी मतं अजूनही मोजली जात आहेत. मतदान संपून 18 दिवस पूर्ण झाले आहेत.