Sharad Pawar : ''सत्ता कशी हातात येत नाही, तेच बघतो''; पवारांनी बारामतीतून विधानसभेसाठी फुंकले रणशिंग

शरद पवार तीन दिवसांपासून बारामतीच्या दौऱ्यावर आहेत. या दौऱ्यानिमित्त ते दुष्काळग्रस्त शेतकऱ्यांच्या व्यथा समजून घेण्याचा प्रयत्न करत आहेत. यावेळी सर्वसामान्याच्या व्यथा समजून घेताना शरद पवारांनी हे विधान केले आहे. या विधानाची आता राजकीय वर्तुळात चर्चा रंगली आहे. 

हे ही वाचा : Member of Parliament Salary: खासदारांना असतो गलेलठ्ठ पगार, पेन्शन किती मिळते?

शरद पवार बारामतीतली निरावागज येथील एका सभेत बोलत होते. यावेळी शरद पवार म्हणाले की, केंद्रातील व राज्यातील सरकार आमच्या हातात नाही आहे. पण लोकसभेत जसे आपण काम केले, तसे काम जर विधानसभेत केले, तर सत्ता कशी हातात येत नाही, मी पाहतोच. आणि राज्य सरकार हातात आलं तर जनतेची दुखणी सोडायला वेळ लागणार नाही, असे शरद पवार यांनी सांगितले. नेत्याने काही केले नाही, पण मी तुमच्या पाठिशी उभा राहणार आहे. आपण एका विचाराने राहुन या गोष्टी दुरूस्त करू असे शरद पवार यांनी विधान करत अजित पवारांचे नाव न घेता त्यांना टोला लगावला आहे.