Pune Crime News : पुण्यात दोन चिमुकल्या बहिणींचा खून, पाण्याच्या टाकीत सापडले मृतदेह, नागरिकांचा संताप

हे ही वाचा >> Sambhajinagar Clerk Scam : कंत्राटी कर्मचाऱ्यानं संभाजीनगरमध्ये 21 कोटींचा घोटाळा कसा केला? नेमका काय झोल केला?

खेड तालुक्यातील वाडा रोडवर एका मोठया वर्दळीच्या रस्त्यावर हे कुटुंब राहत होतं. याच भागात परप्रांतीय मुलांच्या एका खोलीत पोलिसांना मुलींचे मृतदेह आढळून आले अशी माहिती आहे. बुधवारी दुपारी दोघी घराजवळ खेळत असताना बेपत्ता झाल्या होत्या. त्यांच्या पालकांनी त्या गायब झाल्यावर सायंकाळी राजगुरूनगर पोलिसात गुन्हा दाखल केला होता. त्यांचे आई वडील मोलमजुरी करत होते.

दरम्यान, पोलिसांना खबऱ्यांमार्फत माहिती मिळाल्यानंतर त्यांचा शोध घेतल्यावर बारमध्ये काम करणाऱ्या मुलांच्या खोलीची झडती घेतली गेली, तेव्हा गुडघाभर पाणी असलेल्या एका बॅरलमध्ये दोन्ही मुलींचे मृतदेह छिन्नविछिन्न अवस्थेत आढळुन आले.

हे ही वाचा >> Navi Mumbai Car Accident : दोन कारची धडक, एअरबॅग उघडल्या अन् मानेला झटका बसल्यानं चिमुकल्याचा मृत्यू...

राजगुरुनगर पोलीसांनी दोन्ही मुलींचे मृतदेह शवविच्छेदनासाठी पुण्यातील ससून रुग्णालयात पाठवले असून, बेपत्ता झालेल्या या दोन मुलींसोबत काय झाले याचा तपास पोलीस करत आहेत. दरम्यान राजगुरूनगर येथील धनराज बारमधील वेटरने हे खून केले असून, पहाटे 4 च्या सुमारास पुण्यातील एका लॉज वरून त्याला अटक केली आहे. संशयित आरोपी 50 ते 55 वर्ष वयाचा आहे.