Raj Thackeray Exclusive : 'माझी पाचवी निवडणूक, तुमची पहिली...', CM शिंदेंना राज ठाकरेंनी थेट सुनावलं!

हे ही वाचा >>Manoj Jarange : कुणाला पाडायचं ते जरांगेंनी स्पष्ट सांगितलं, पत्रकार परिषदेत काय काय मुद्दे मांडले?

अमित ठाकरे यांना समर्थन देण्याची भूमिका भाजप नेत्यांनी घेतली होती, पण महायुतीमधील इतर पक्षांकडून म्हणजेच विशेषत: शिवसेनेकडून तसा प्रतिसाद मिळाला नाही. याबद्दल राज ठाकरे यांना सवाल केला असता राज ठाकरे यांनी आपली भूमिका स्पष्ट केली. "तुम्ही उमेदवार देणार नसाल, तर मी अमितला उभं करेन अशी माझी अटच नव्हती. मी अमितचं नाव घोषित केलं होतं. आमच्या एका बैठकीत काही नेत्यांनी भांडूपमधून लढवण्याचं सूचवलं होतं. मग मी अमितला विचारलं की, तू सिरीयस आहेस का? त्यावेळी मी त्याला म्हटलं की जिथे तु वाढलाय तिथे, दादर-माहिमध्ये निवडणूक लढ. त्याने किनारा साफ करण्याची वगैरे कामंही केली. आम्ही पहिल्या यादीत नाव घोषित केल्यावर हे सर्व सुरू झालं.समोरच्यांना वाटत असेल की, त्यांनी उमेदवार देऊ नये तर ते त्यांच्या मनाने करावं. तुम्हाला वाटत असेल तर करा, नाहीतर नका करू, ही जबरदस्ती होऊ शकत नाही. मी महायुतीतला घटक नाही, लोकसभेला पाठिंबा दिला होता वगैरे गोष्टी त्यांनी लक्षात ठेवायला हव्या होत्या, मी नाही." हा सर्व घटनाक्रम सांगताना राज ठाकरे यांनी आदित्य ठाकरेंच्या विरोधातही आम्ही उमेदवार दिला नव्हता याचीही आठवण करुन दिली. 

तुमची पहिली निवडणूक, माझी पाचवी... 

पुढे बोलताना एकनाथ शिंदेंकडून आलेल्या "भांडूपच्या ऑफरबद्दल विचारलं असता, राज ठाकरे म्हणाले की, तुम्ही मला का ऑफर करता? तुमची पहिली निवडणूक आहे, माझी पाचवी निवडणूक आहे, सत्तेत बसलात म्हणून तुम्ही मला ऑफर नाही देऊ शकत" असं म्हणत राज ठाकरेंनी रोखठोकपणे आपली भूमिका मांडली. एकूणच राज ठाकरेंच्या या भूमिकेवर आता शिंदेंच्या शिवसेनेकडून काय प्रतिक्रिया येते हे पाहणं महत्वाचं असणार आहे.