"आम्ही सगळ्यांचा सुपडा साफ करून दाखवला आणि...", बदलापूरमध्ये CM देवेंद्र फडणवीस नेमकं काय म्हणाले?

देवेंद्र फडणवीस जनतेला संबोधीत करताना पुढे म्हणाले, "ज्यांच्यामुळे हे स्वातंत्र्य आपल्याला मिळालं आहे. तो काळ असा होता की ज्या काळात अनेक राजे आणि राजवाडे मुघलांचं मांडलीकत्व स्वीकारत होते. स्वातंत्र्याची इच्छा सोडून दिली होती. गुलामीत राहणं पसंत करत होते. अशा काळात आई जिजाऊंनी छत्रपती शिवाजी महाराजांना शिकवण दिली आणि संकल्प दिला की शिवबा तुला देव देश आणि धर्मासाठी लढायचं आहे. ज्याप्रकारे आपल्या या मराठी मुलुकामध्ये आमच्या आया बहिणींची अब्रू लुटली जातेय. ज्या प्रकारचे अनाचार, अत्याचार, दुराचार आणि बलात्कार पाहायला मिळतायत, शिवबा तुला माझी आण आहे. तुला या मराठी मुलुकाला स्वराज्यात परिवर्तीत करावच लागेल".

हे ही वाचा >> Suresh Dhas : "संतोष देशमुख हत्याप्रकरणी सुरेश धस यांचं खळबळजनक विधान! म्हणाले, "तिच्यासोबत झटापट केल्याचं..."

आई जिजाऊंनी दिलेली आण घेऊन आणि भवानी तलवार घेऊन छत्रपती शिवराय हे मैदानात उतरले. अठरा पगड जातीच्या लोकांना एकत्रित केलं. कालपर्यंत सामान्य वाटणारे शेतकरी, शेतमजूर, बाराबलुतेदार, ज्यांना कोणता चेहरा आणि ओळख नव्हती. अशा सगळ्या लोकांना एकत्रित करून त्यांना प्रशिक्षीत करून त्या सामान्य माणसांकडून असामान्य काम करून घेण्याचं धारिष्ठ जर कुणी दाखवलं असेल, तर ते छत्रपती शिवरायांनी याठिकाणी दाखवलं आहे, असंही देवेंद्र फडणवीस म्हणाले.

हे ही वाचा >> Sanjay Shirsat: "संजय राऊतांनी महाराष्ट्राची वाट लावली आणि...", संजय शिरसाटांची राऊतांवर घणाघाती टीका