Uddhav Thackeray: 'एक तर तू राहशील नाहीतर मी तरी...', ठाकरेंचं फडणवीसांना खुलं आव्हान

उद्धव ठाकरेंचं घणाघाती भाषण जसंच्या तसं...

'आता मशालीचा प्रचार घरोघरी करा.. कारण या चोर कंपनीने आपल्या शिवसेनाप्रमुखांचा फोटो लावला.. आणि बाळासाहेबांचं धनुष्यबाण.. काही जणांनी सांगितलं की, आम्हाल तर तुम्हालाच मत द्यायचं होतं. अमराठी लोकांनी हे सांगितलं.. पण आम्ही चुकून धनुष्यबाणाला मत दिलं. हे आहे थोडी गोंधळाची परिस्थिती आहे.'  

'एकतर मशालीला मान्यता द्यावी यासाठी आपण निवडणूक आयोगाला पत्र दिलं आहे. त्याच्याशी साधर्म्य साधणारं चिन्ह मतपत्रिकेवर असू नये याबाबत देखील त्यांना सांगण्यात आलं आहे. बघू त्याचा पण निकाल येईल 60-65 वर्षांनी.. तोपर्यंत घरोघरी मशाल पोहचली पाहिजेच.'

'अगदी मराठी असो अमराठी असो.. मुस्लिम लोकं, ख्रिश्चन लोकं ही आपल्यासोबत खूप मोठ्या प्रमाणात आली आहेत. आपलं हिंदुत्व वेगळं आहे आणि यांचं हिंदुत्व मात्र वेगळं आहे. यांचं हिंदुत्व म्हणजे तोडा-फोडा आणि राज्य करा..' 

'आग लावण्याचे धंदे हे करतील.. आपल्यातील देखील काही जणांना फोन येत असतील.. हा गेला तो गेला.. जायचं तर उघड जा.. पण आत राहून दगाबाजी करू नका.. मला शिवसेनाप्रमुखांनी दिलेल्या शिवसैनिकांसोबत घेऊन मी लढाई जिंकून दाखवेल.' 

'माजी नगरसेवक जातायेत.. जा आता जा.. बघू ना.. एकतर तुम्ही राहाल नाही तर मी राहील या याने मी उतरलोय. मला यातना होत नसतील? कालपर्यंत माझ्या घरातील लोकं ही.. आता माझ्या घरावर चालून येत आहेत. अगदी त्या अनिल देशमुखांनी सांगितलं की, मला आणि आदित्यला तुरुंगात टाकण्यासाठी या फडणवीसाचे डाव होते. हे सगळं सहन करून मी जिद्दीने उभा राहिलोय.. एक तर तू (देवेंद्र फडणवीस) राहशील नाहीतर मी तरी राहील.' असं आव्हान देत उद्धव ठाकरेंनी विधानसभा निवडणुकीच्या दृष्टीने भाजपवर निशाणा साधला आहे.