महाराष्ट्रातील 'राज'कारण पडद्यावर झळकणार? राज ठाकरेंचा बायोपिक येणार? 'त्या' फोटोमुळं चर्चांना उधाण

Raj Thackeray Biopic: कला, क्रीडा, मनोरंजन क्षेत्रासह राजकारणात नावलौकीक मिळवलेल्या नेत्यांचे बायोपिक तयार करण्यातही अनेक दिग्दर्शकांना रस आहे. दिवंगत बाळासाहेब ठाकरे यांच्या जीवनावर आधारित 'ठाकरे'' चित्रपटानं सिनेविश्वात अक्षरक्ष: धुमाकूळ घातला होता. या चित्रपटानं बॉक्स ऑफिसवर कोट्यावधींचा गल्ला जमवला होता. अशातच आता महाराष्ट्र नवनिर्माण सेनेचे अध्यक्ष राज ठाकरे यांच्या बायोपिकचीही तुफान चर्चा रंगू लागली आहे. कारण राज ठाकरे यांच्यासारखे हुबेहुब दिसणारे एक गृहस्थ अभिनेत्री तेजस्विनी पंडीत यांच्यासोबत चर्चा करत असल्याचं एका फोटोच्या माध्यमातून समोर आलं आहे. त्यामुळे सिनेविश्वासह राजकीय वर्तुळात अनेक तर्क वितर्क लढवले जात आहेत. राज ठाकरे यांच्या बायोपिकबाबत अद्याप कोणतीही अधिकृत घोषणा करण्यात आली नाहीय. पण व्हायरल झालेल्या त्या फोटोमुळं चर्चांना उधाण आलं आहे. (The film 'Thackeray' had created a sensation in the cinema world. This film also collected crores at the box office. Similarly, the biopic of Maharashtra Navnirman Sena president Raj Thackeray is also being discussed)