'आमचा परळी पॅटर्न, इथे रश्मिका आणि प्राजक्ता माळीही येतात...', सुरेश धसांचं बोचरं विधान

'मॅनेजमेंट पॉलिटिक्स.. ज्यांना कोणाला भविष्यात करायचं असेल तर त्यांनी परळीला यावं इथे शिक्षण घ्यावं.. ते शिक्षण घेऊन संपूर्ण देशामध्ये त्याचा प्रसार करावा. सपना चौधरी, रश्मिका मंदाना.. अजून काय प्राजक्ता माळी... प्राजक्ता माळीसुद्धा आमच्या इकडे येत असतात.' असं म्हणत सुरेश धस यांनी टोमणा लगावला.

पाहा सुरेश धस नेमकं काय म्हणाले...

बीडमधील पोलीस दलाचं जे खच्चीकरण गेल्या 5 वर्षात झालंय. कोणालाही उचलायचं, अर्ध्या रात्री नेऊन कुठेही टाकायचं. अशा घटना बीड जिल्ह्यात घडल्या आहेत. यातलं एक प्रकरण म्हणजे महादेव अॅपच्याबाबतीतील आहे. माझ्या मतदारसंघातील टेंभूर्णी नावाचं गाव आहे. याच गावातील एकाच व्यक्तीच्या नावावर 9 अब्ज रुपयांचं बँक ट्रान्झेक्शन झालं आहे.

हे ही वाचा>> Exclusive: 'धनू भाऊ दिसत असून आंधळं झाला का? तुमचं 54 हजार फुटावरचं विमान जरा...', सुरेश धस तुफान बरसले

एवढ्या गंभीर प्रकरणात इथे काम करणारे दोन अधिकारी होते. त्यांना बाहेर काढलं गेलं आणि जे निष्क्रिय अधिकारी आहेत त्यांना ठेवलं. मी आज माझं लेखी पत्र दिलं आहे. बीड जिल्ह्याच्या पोलिसांची यादी मागितली आहे. 

इथे जो आका आहे.. बीड जिल्ह्यातील कोणतंही प्रकरण घ्या.. त्या पाठीमागे आकाच.. इथे जवळ आकाने 50 एकर जमीन घेतली आहे. बळजबरीने जागा घेतल्या. गँग्स ऑफ वासेपूर करून इथे जागा घेतल्या आहेत. 

शिरसाळ्यातील जमीन आणि तेथे करण्यात आलेल्या बांधकामाबाबत मला माझ्याकडे कागदपत्रं आली आहेत म्हणून मी शिरसाळा या एकाच गावाबाबत बोलतो आहे. 

आकांची 100-150 एकर जमीन आहे इथे. 30-40 कोटींचे बंधारेच बांधले आहेत तिथे. आपल्याच जमिनीत.. हे इतकं कुठून आलं 5 वर्षात? आणि आम्ही त्यांचं बघत असतो. रश्मिका मंदाना, सपना चौधरी असे इव्हेंट बघायचे यांचे.

हे ही वाचा>> Dharashiv Sarpanch Attack : मस्साजोगसारखाच हल्ला धाराशिवमध्ये... सरपंचाला जीवंत जाळण्याचा प्रयत्न, स्वत: सांगितली आपबीती

मॅनेजमेंट पॉलिटिक्स.. ज्यांना कोणाला भविष्यात करायचं असेल तर त्यांनी परळीला यावं इथे शिक्षण घ्यावं.. ते शिक्षण घेऊन संपूर्ण देशामध्ये त्याचा प्रसार करावा. सपना चौधरी, रश्मिका मंदाना.. अजून काय प्राजक्ता माळी... प्राजक्ता माळीसुद्धा आमच्या इकडे येत असतात. 

हे सगळं काही बघायचं असेल, चित्रपट नवीन कोणाला काढायचा असेल तर अशा मोठ्या ज्या विभूती आहेत त्यांच्या तारखा कशा पद्धतीने मिळतात.. प्राजक्ता ताईसुद्धा आमच्या इथे येतात. त्यासाठी जर अतिशय जवळचा पत्ता सापडायचा असेल तर तो आमच्या परळी पॅटर्न आहे.. परळीचा हाही एक पॅटर्न आहे.