MLC Election 2024 : आमदार फुटण्याचा धोका! महायुती-मविआ किती जागा जिंकणार?
Maharashtra MLC Election 2024 : विधान परिषदेच्या 11 जागांसाठी निवडणूक जाहीर झाली आहे. या निवडणुकीत क्रॉस व्होटिंग होण्याची शक्यता जास्त आहे. त्यामुळे ही निवडणूक धक्का देणारी ठरू शकते.
ADVERTISEMENT
MLC Election 2024 : विधानसभेतून निवडून द्यायच्या विधान परिषदेतील 11 जागांसाठी निवडणूक जाहीर झाली आहे. गेल्यावेळी झालेल्या निवडणुकीनंतर उद्धव ठाकरेंच्या नेतृत्वाखालील महाविकास आघाडीचे सरकार पडले होते. त्यामुळे या निवडणुकीतही आमदार फुटण्याची धोका आहे. 11 जागांसाठी निवडणूक होत असली, तरी महायुती आणि महाविकास आघाडी किती जागा जिंकू शकते? किती ताकद आहे? (Maharashtra MLC Election 2024 What is Mahayuti and Maha Vikas Aghadi political Calculations)
विधान परिषदेच्या 11 जागांसाठी 12 जुलै रोजी मतदान होत आहे. भाजपचे 4, काँग्रेसचे 2, अजित पवारांच्या राष्ट्रवादीचा 1, एकनाथ शिंदे यांच्या शिवसेनेचा 1, उद्धव ठाकरेंच्या शिवसेनेचा 1, राष्ट्रीय समाज पक्षाचा 1 आणि शेतकरी कामगार पक्षाचा 1 अशा 11 आमदारांचा कार्यकाळ संपत असल्याने ही निवडणूक होत आहे.
कोणत्या पक्षाचे किती आमदार?
भाजप, शिवसेना, काँग्रेस, राष्ट्रवादी काँग्रेस, शिवसेना (उद्धव बाळासाहेब ठाकरे), राष्ट्रवादी काँग्रेस - शरदचंद्र पवार यांच्या पक्षाचे आमदार किती आहे पहा खाली...
हे वाचलं का?
ADVERTISEMENT
हेही वाचा >> मराठा आरक्षणासाठी आत्महत्या! सुसाईड नोटमध्ये भुजबळ, पंकजा मुंडेंचं नाव
याव्यतिरिक्त बहुजन विकास आघाडी 3 आमदार, समाजवादी पार्टी 2 आमदार, एमआयएम 2 आमदार, प्रहार 2 आमदार, मनसे 1 आमदार, माकप 1 आमदार, शेकाप 1 आमदार, स्वाभिमानी पक्ष 1 आमदार, रासप 1 आमदार, जनसुराज्य 1 आमदार, क्रां.शे.प. 1 आमदार आणि अपक्ष 13 आमदार असे सगळे मिळून विधानसभेत सध्या 274 आमदार आहेत.
विधान परिषद निवडणूक... मतांचा कोटा किती?
महाराष्ट्र विधानसभा सदस्य संख्या 288 आहे. पण, काही आमदारांचे निधन झाले आहे. काही आमदार लोकसभा निवडणुकीत विजयी झाले आहेत. त्यामुळे त्यांनी आमदारकीचा राजीनामा दिला. या कारणांमुळे विधानसभेतील सध्याची सदस्यसंख्या ही 274 इतकी आहे.
ADVERTISEMENT
विधान परिषद निवडणुकीत निवडून येण्यासाठी प्रत्येक उमेदवाराला पहिल्या पसंतीच्या 23 मतांचा कोटा असणार आहे.
ADVERTISEMENT
भाजप, काँग्रेस, राष्ट्रवादी काँग्रेस, ठाकरेंची शिवसेना-पवारांची राष्ट्रवादी; कुणाची ताकद किती?
आमदारांचे संख्याबळ लक्षात घेतले, तर भाजप आणि छोटे पक्ष मिळून पाच आमदार निवडून येऊ शकतात. शिंदेंच्या शिवसेनेचे आणि अजित पवारांच्या राष्ट्रवादीचे प्रत्येकी दोन उमेदवार निवडून येऊ शकतात.
काँग्रेसचे संख्याबळ 36 आहे. त्यामुळे त्यांचा एक उमेदवार सहज जिंकून येईल आणि जास्तीचे मतेही असतील. काँग्रेसने दुसरा उमेदवार दिल्यास त्यांना समविचार छोट्या पक्षांची आणि अपक्ष आमदारांची मदत घ्यावी लागेल.
हेही वाचा >> भुजबळ ठाकरेंच्या शिवसेनेच्या वाटेवर आहेत का? राऊतांनी दिली मोठी बातमी
दुसरीकडे ठाकरेंची शिवसेना आणि शऱद पवारांची राष्ट्रवादी काँग्रेस यांचा मिळून एक उमेदवार निवडून येऊ शकतो. भाजपने सहावा उमेदवार उतरवल्यास आमदारांच्या मतांची फाटाफूट होऊ शकते. दुसरीकडे महाविकास आघाडीकडून अपक्ष इतर आमदारांना गळाला लावण्याचे प्रयत्न होऊ शकतात. त्यामुळे निवडणूक झाल्यास मोठ्या राजकीय घडामोडी घडतील.
क्रॉस व्होटिंगचा जास्त धोका, कारण...
नुकतीच लोकसभा निवडणूक झाली. या निवडणुकीत महाराष्ट्रातील निकाल वेगळा लागला. महायुतीच्या विरोधात लोकांनी कौल दिला. त्यामुळे अशी चर्चा आहे की, शिंदेंची शिवसेना आणि अजित पवारांच्या राष्ट्रवादी काँग्रेसमध्ये अस्वस्थता आहे.
हेही वाचा >> अमोल कीर्तिकर 1 मताने होते आघाडीवर, मग 48 मतांनी कसे झाले पराभूत?
शरद पवारांच्या राष्ट्रवादीबरोबरच उद्धव ठाकरेंच्या शिवसेनेकडूनही सोडून गेलेले आमदार संपर्क करत असल्याचे दावे करण्यात आले आहेत. आता विधान परिषद निवडणुकीत गुप्त मतदान पद्धतीने असल्याने परतीच्या वाटेवर असलेले आमदार पक्षादेश डावलून क्रॉस व्होटिंग करू शकतात.
ADVERTISEMENT