कोकणात उष्ण व दमट हवामान! मराठवाडा आणि विदर्भातील 'या' जिल्ह्यांमध्ये कोसळणार पावसाच्या हलक्या सरी

भारतीय हवामान विभागाने दिलेल्या माहितीनुसार, उत्तर कोकणातील जिल्ह्यांमध्ये तुरळक ठिकाणी उष्ण आणि दमट परिस्थिती राहण्याची शक्यता आहे. दक्षिण मध्य महाराष्ट्र, मराठवाडा आणि विदर्भातील  जिल्ह्यांमध्ये तुरळक ठिकाणी विजांच्या कडकडाटासह वादळे आणि हलक्या ते मध्यम स्वरूपाच्या पावसासह ताशी ३०-४० किमी वेगाने वारे वाहण्याची शक्यता आहे.

हे ही वाचा >> 5 मुलांच्या आईचं 25 वर्षीय तरुणासोबत जडलं प्रेम! प्रेमकहाणीचा झाला सर्वात धक्कादायक शेवट, काय घडलं?

तर पालघर, ठाणे, मुंबई, रायगड, रत्नागिरी, धुळे, नंदूरबार, जळगाव, नाशिक, नाशिक घाट परिसर, अहिल्यानगर, पुणे, पुणे घाट परिसर, सातारा, सातारा घाट परिसर, जालना, परभणी, बीड, हिंगोलीमध्ये कोरडं हवामान असण्याचा अंदाज प्रादेशिक हवामान विभागाने वर्तवला आहे. 

दरम्यान, सिंधुदुर्ग, कोल्हापूर घाट परिसर, कोल्हापूर, सांगली, सोलापूर, छत्रपती संभाजी नगर, नांदेड, लातूर, धाराशिवमध्ये हलक्या ते मध्यम स्वरुपाचा पाऊस कोसळणार असण्याची शक्यता आहे. तर अकोला, अमरावती, भंडारा, बुलढाणा, चंद्रपूर, गडचिरोली, गोंदिया, नागपूर, वर्धा, वाशिम, यवतमाळमध्ये विजांचा गडगडाट, वादळी वाऱ्यासह (30-40 किमी प्रति तास वेगाने) पाऊस पडण्याची शक्यता हवामान विभागाने वर्तवली आहे. 

हे ही वाचा >> काय सांगता! 8 लाख लाडक्या बहिणींना 1500 नव्हे, 500 रुपये मिळणार, यादीत तुमचं नाव आहे का?

14 एप्रिलला रविवारीही हवामान विभागाने पावसाचा अंदाज वर्तवला होता. दक्षिण कोकण, दक्षिण मध्य महाराष्ट्र, मराठवाडा आणि विदर्भातील जिल्ह्यांमध्ये तुरळक ठिकाणी विजांच्या कडकडाटासह वादळे आणि हलक्या ते मध्यम स्वरूपाच्या पावसासह ताशी 30-40 किमी वेगाने वारे वाहण्याचा अंदाज बांधण्यात आला होता.