Badlapur Case: 'अनैसर्गिक सेक्स आणि...', वासनांध अक्षय शिंदेबाबत दुसरी पत्नी काय म्हणाली?

हादरवून टाकणारी माहिती आली समोर...

बदलापूर प्रकरणातील तपासादरम्यान मिळेल्या माहितीनुसार, अक्षय शिंदे याने तीन वेळा लग्न केलं होतं. यातील पहिल्या दोन पत्नी त्याला सोडून माहेरी निघून गेल्या होत्या. तर त्याच्यासोबत राहणारी तिसरी पत्नी ही गर्भवती आहे.

हे ही वाचा>>  Badlapur News: 'शिवाजी महाराजांनी आरोपीचे हात काढून घेतलेले', शरद पवारांचा प्रचंड संताप

बदलापूर प्रकरणात स्थापन करण्यात आलेल्या एसआयटीने आरोपीच्या पहिल्या पत्नीचा जबाब नोंदवला होता. ती पालघर जिल्ह्यातील एका गावात राहत असल्याची माहिती आहे. आरोपी अक्षयचं पहिलं लग्न झाल्यानंतर त्याची ही पहिली पत्नी लग्नाच्या अवघ्या पाच दिवसात माहेरी निघून गेली होती. अक्षय शारिरीक संबंधावेळी हिंसकपणे वागायचा. त्याची वृत्ती एखादा हैवान किंवा लिंगपिसाटासारखी होती. त्यामुळे लग्नाच्या अवघ्या पाच दिवसात ती माहेरी निघून गेली आणि पुन्हा कधीच परतली नाही.

आता पोलिसांनी अक्षय शिंदेविरुद्ध आणखी एक गुन्हा दाखल केला आहे, बोईसर पोलिसांनी त्याच्या दुसऱ्या पत्नीच्या तक्रारीवरून हा गुन्हा दाखल केला आहे. नंतर हे प्रकरण बदलापूर (पूर्व) पोलीस ठाण्यात वर्ग करण्यात आले आहे.

हे ही वाचा>> 'आरोपी अक्षय शिंदे मुलींच्या टॉयलेटमध्ये...', बदलापूर प्रकरणाच्या सर्वात धक्कादायक रिपोर्टने खळबळ!

आरोपीशी लग्न झाले होते. आरोपी शिंदेने या महिलेला अनैसर्गिक शारीरिक संबंध ठेवण्यास भाग पाडले. महिलेने पोलिसांना सांगितले की, तिने तिच्या कुटुंबीयांना आरोपीच्या वागणुकीची माहिती दिली आणि नंतर त्याला सोडून दिले. या प्रकरणी बोईसर पोलिसांनी भारतीय दंड संहितेच्या कलम 377 (अनैसर्गिक लैंगिक संबंध) अन्वये गुन्हा दाखल केला आहे.  
  
अक्षयच्या या पहिल्या दोन्ही पत्नींच्या जबाबामुळं बदलापूर प्रकरणात पोलिसांना चौकशीच्या दृष्टीने मोठा दिलासा मिळू शकतो. या महिलांच्या साक्षीमुळे अक्षयसारख्या नराधमाला कठोरातील कठोर शिक्षा मिळायला मदत होऊ शकते, असं बोललं जात आहे.