Pune Assembly Election 2024 Full Schedule: विधानसभेची रणधुमाळी... पुण्यात 'या' तारखेला होणार मतदान

या निवडणुकीत पुणेकर नेमकं कोणाच्या बाजूने कौल देणार हे पाहणं अत्यंत महत्त्वाचं ठरणार आहे. कारण महायुती विरुद्ध महाविकास आघाडी हे विधानसभा निवडणुकीत पहिल्यांदाच आमनेसामने असणार आहे. अशावेळी पुण्यात नेमकं कोण बाजी मारणार? हे पाहणं औत्सुक्याचं ठरणार आहे.

महाराष्ट्र विधानसभा निवडणुकीचं बिगुल कधी वाजणार? याबाबात राजकीय वर्तुळात अनेक तर्क-वितर्क लढवले जात होते. परंतु, केंद्रीय निवडणूक आयोगाने सप्टेंबरच्या शेवटच्या आठवड्यात महाराष्ट्र दौरा करून निवडणुकीसंदर्भात आढावा घेतला होता.

हे ही वाचा >> Maharashtra Breaking News : निवडणुकांची रणधुमाळी, महायुती लोकसभेचा वचपा काढणार?

पुण्यातील निवडणूक कार्यक्रमाविषयी महत्त्वाची माहिती:

महाराष्ट्र विधानसभा निवडणुकीचा कार्यक्रम-

अधिसूचना जारी होण्याची तारीख- २२ ऑक्टोबर २०२४
अर्ज मागे घेण्याची शेवटची तारीख- २९ ऑक्टोबर २०२४
अर्ज छाननीचा दिवस- ३० ऑक्टोबर २०२४
उमेदवारी अर्ज मागे घेण्याचा अखेरचा दिवस- ०४ नोव्हेंबर २०२४
मतदानाचा दिवस- २० नोव्हेंबर २०२४
मतमोजणीची तारिख- २३ नोव्हेंबर २०२४

केंद्रीय निवडणूक आयोगाने महाराष्ट्र विधानसभा निवडणुकीच्या तारखांची घोषणा केली आहे. यामध्ये मुंबई, पुणे, नागपूर, पश्चिम महाराष्ट्र, उत्तर महाराष्ट्र, विदर्भ या महत्त्वाच्या विभागात विधानसभेची निवडणूक कधी होणार याची माहितीही देण्यात आली आहे.